Materiales del Pueblo San Esteban de la Nueva Tlaxcala en el Archivo Municipal de Saltillo

Ypan Ynin altepetl San esteuan yancuic tlaxca llan Ypan caxtolli yhuan çe tonatiuh metztli noui embre yhuan xihuitl mil y seis cientos y nouenta y tres años Yehhuatzin tlatoani gouernador D[on] francisco Lazaro Yhuan alcalde ordinario D[on] Melchor Caçeres que nami Jueses oquimotilihque yn iehuatl causa yn ete ilhuil yn toixpan oquitlali Sebastian hernadez alcal des ytechpa Ysidro Gonzales nican chane, auh in axcan ye nican toixpan ocholo ypan teilpilocan Oquizqui ypanpa enta yc tic yta huel cencah ytlahtlacol yc axcantic yhtohua ypa[n] tictzontequi yn iehuatl Ytlachihual yn tlacpac omoteneuh ynipan ya ma tlahcuilol alcalce Sebastian hernandez ica mochi yehuatl oc çequi oqui motili Justicia Yc yxpantzinco opanoc yn que namitecpantica yc axcan ticyhtohua yhua[n] titlanahuatiah yc acmo ocçepa neciz nican ypan inin altepetl auh in tlaiquin neciz tzitzquiloz Yhuan tlaliloz Ypan teilpilocan cen pohualli tonatiuh yhuan oncan quiçcaz Ypan mochihuaz tetlatzacuil tiliztli Ypan mochi ohtli tequililoz macuilpohualli Asote yhuan qui tlaxtlahuaz Costas Yehuatl yn on ytlatzacuitiloca mochihuaz auh in ic oc cequi oncan mixcuitizque ynin huel neltiz Yn macicachihuaz ynin totlatlalil ytechpatzinco tohueitlahtohcatzin Rey Su mag[esta]d yhua[n] heyhtohuan yanixquichtin Justicias pixque quinmotlaliz Dios yhua[n] Tohueitlahtohcatzin Rey huel ypan quichicahuazq[u]e Ynin to tlatlalil nican mochihua ypan ynin Cassas de Cauildo Ymixpan ychhuantzitzin Regidores alguacil maior yhuan teniente no yhuan tic yhtohua costas quitlaxtlahuaz çempohualli yhua[n] mahtlactli pe sos tomin auh ynin tomin chicuei pesos calaquiz teopan ypanpa aseite yc tlatlas Lampara yhua[n] chicome pesos ypanpa

Cera yca mocohuaz Ytechpohuiz SantiSsimo, auh in oc caxtolli pesos ypan pa gastos de guerra Ynin maxiltil huel quenametitla nahuatiah ytech patzinco tohueitlahtocatzin Yhua[n] ynin totlanahuatil to yhuan Causa mozaloz Ytech Yn iehhuatl Yamatlahcuilol alcade Sebasti an hernandez nican omochiuh ypan ynin Casas de Cauildo ypan tona tiuh yhua[n] Xihuitl tlacpac omoteneuh ye nican quimotlalilia fir ma tlahtoani governador Yhua[n] cauildo D[on] Fran[cisc]co Lazaro G[obernad]or D[on] Melchor Caçerez al[cal]de Joan de Rosas alguacil m[ayo]r Pascual martin Teniente Onicchiuh yca ytl nahuatiltzin Justicia Bernabe A escriv[an]o Peticion

Ypan ynin altepetl San estevan yancuic tlaxcallan ypan mahtlactli y huan çe tonatiuh metztli noviembre Xihuitl mil y seiscientos y noventa y tres Años = tlahtoani governador Don francisco lazaro yhuan alcalde Don mel chor caçeres, no yhuan yehuantzitzin Regidores namechmomaquilia par te nehuatl Sebastian hernandez alcalde ypanpa yca notlanahu til otlaliloc Ypan teilpiloian Ysidro gonzalez, ypanpa nehuatl nipano taia ypan Solar yc nihualaia onpa nocuentla ye oquipanahui animas ye tlaiohua auh ic niiaia onpa tlacpac nochan auh ye nipanoaia ycaltenco Ysi dro Yhuac onechycanticac oncan onechahcic ynahuac ytepan Andres maldonado yhuan onechilhui taque yn te? onicilhui neuatl yc oppa oquito aquin tehuatl ocçepa onicnanquili nehuatl amo tinechyxmati yhcuac ynon oquihto pues tehuatl nimitztemohua yhuan oquiquixtitah cuchillo yhua[n] oahcita quinequia nechtzopinis yhuan çan ohuetzqui Ycavallo auh nehuatl zan onitotoiocac onicalac yc onpie yalaguerta nicolas gregorio catca auh yehuatl oc cepa Onechtocac azta nochan yhuan desde acavallo o nechtlatzinizquia oppa niman otemoc ycxipan oc icpa oquihualquix tihque nobara onechtlatzini oppa nehuatl oniconan nobara yhuan oni tenoz Yc yehuatl zan nocaballo otlecoc yhua[n] oya ychan auh in ihcuac nehuatl oniahcic ychan yehuatl onechhualnamicta Yhua[n] onech il hui tlen ticnequi ypan nochan nionca nehuatl onicylhui nican nihua lauh quenami niJusticia ticobedeçeros ynin bara yehuatl San niman oquihto amo nicobedecerohua yhuan onechtzitzquilita yxquich yca onech huihuilan, [azta oquitzaian nocapote] yxpan Ynantzin azta onechcuili, [Bara] niman yhcuac oahcic alhuacil yhuan teniente Oquilhui alguacil aqui del Rey Xicobedece ro Justicia Yehuatl Oc cipa San ie ioqui oquito nehuatl amo huel nicobede ceros azta yxquich otichiuhque ic oquisqui ma bara amo huel oqui cauh yca oiaqui bara azta teilpiloian caltenco amo quinequia qui tlacamatiz alguacil azta nehuatl oniah occepa onictlahtlanilo ma Bara yehuatl oquihto amo huel nicCahuaz ynin bara azta niech huaz Pedasos quenami oquichiuh ymixpa[n] alguacil yhuan

teniente, Yc axcan namechmotlatlauhtilia huel anquimotilisquix cualli ynin ytlachihual yn iehuatl Ysidro gonzalez ic quintotopehua yministros toRey axcan nictlahtlani yez cualli Castigado quenami quimereceroa ydelito Yhua[n] mochihuiliz causa ytzintlan ynin notlanocuilol Ca iuh qui nictlahtlani ypanpa yc anquimotilia ic ac momauhcanemohua niacmo tlen ypan moita Justicia yhua[n] ypa[n]pa ynon amo tipanosque oc ce qui auh intlacamo mochihuaz nictemoz campa nic Remediaros Sebastian hernandes alcalde Onichiuh yca itlanahuatiltzin alcalde Bernabe Agustin escrivano Ypan altepetl San estevan yancuic tlaxcallan Ypan mahtlactli yhuan ome tonatiuh metztli noviembre Xihuitl mil y seiscientos y no venta y tres Años Omopouh Ynin amatl yn tlacpac motenehua yn ypan quimaca parte gobernador alcalde yhuan Regimiento auh in ihuac ye oqui mocaquitihque Yn iehuatzin gobernador yhuan mochi cavildo Ypan ynin casa de Cavildo niman yca ytlanahuatiltzin Justicia oquihualquixtitia guacil mayor yhuan teniente Yn iehuatl preso Ysidro gonzales Yc no omo caquitih yn iehuatl amatl yn ipan teneuhtica yn itlachihual ye oquima huispolo alcalde Yhuan no oncan oquimotilis gobernador yhua[n] mochi ca vildo yhua[n] Regimiento quenami ocalac Ypan Casas de Cavildo yn yehuatl Ysidro gonzales Yca centlacolli Bara poztecqui ypan ima yhua[n] otlahto yca chihuac Ytlahtol omahmacouh oquihto iehuatl amo tlahuanticatca yhuan oquihto nelli amo ytlachihual yehuatl oquimo tlalili alcalde auh ic oncan oquimohuilique amo tlahtoz yca chica huac ytlahtol Ypan Casas de cabildo ynpan Justicia Yhua[n] Bara a mo oquinec yçel oquitemacac azta omoquetz Lucas nicolas Re gidor oquicuili bara ye oncan oquimotilihque quenami hual ytlahtlacol yn ieh huatl Ysidro gonzales, Yhuan yehuatzin gobernador omotlenahuatiliaia motlatzacuiltiz mohuitequiz ye niman yehuatzin alcalde oqui

mihtehuili amo yoqui yez sino mochihuiliz Castigo quenami monequi ic niman omotlanahuatilihqueh alcalde motlalis teilpiloian ypan cepo yhua[n] yehuatl alhuacil nelli amo yuhqui oquichiuh ye amo oçemilhuiti ynin preso Ypan teilpiloian oncan oquisqui ypan puerta yhua[n] candado oncan oquicauh ytech armella yc axcan ye oquimotilique tlahto ani gobernador yhuan alcaldes Regidores huel Ytech monequi tetlatzacuiltiliztli Ca huel tlahtlacole yn yehuatl Ysidro gonzales auh in axcan nican quimotla liliah firma tlahtoani gobernador yhuan cavildo. Don francisco Lazaro Governador Don Melchor Cacerez alcalde Lucas Nicolas Regidor Bernardino Sanches Regidor Andres francisco sebejo Regidor Juan de Rosa alhuacil Pascual martin teniente Bernabe A[gustin escrivano