saltillo

This page is not transcribed, please help transcribe this page

This page is not transcribed, please help transcribe this page

This page is not transcribed, please help transcribe this page

Yca yn ytocatzin SS[antisi]ma trinidad D[io]s Padre D[ios Hijo] D[io]s espiritu S[an]to Amen Ma mochintin quimatican Yn aquique quitasque Ynin noamatlacuilol testamento nico hua nehuatl D[o]n Ju[an]o Ern[ande]z nican nochan ypan ynin altepetl san estevan yanCuic tlax[cal]a nipouhtica ypan tlaxilacali S[a]n estevan auh masihui yn mococouhtica notlalnacayo auh nomacuiltamachilis ca huel Pactica yCa yoraciontzin S[an]ta yglecia catholica romana ca no yxquich nicneltoca yhuan ynin tlaneltoquiliztli ypan nomiquilisnequi Yn huel achtopa ymatzinco t[o]t[ecuiy]o D[io]s nicnocahuilia noamimatzin ca neli ytlachihualtzin yhuan oquimomaquixtili yca ytlazoesotzin Au[h] yn notlal nonacayo yteh nicpoa yn tlali ca yeh oquis ochihualoc yhuan yCuax D[io]s quimonequiltis ninomiquilis nictlatlani tocos notlalnacayo yteopanchantz[in]co t[o]t[ecuiy]o D[io]s S[a]n fran[cis]co Notlatataco mochihuas yaltar N[uest]ra S[eño]ra de la Limpia Consepcion Campa yez lugar noentierro mochihuas Yca cruz altabilillia misa cantada cuerpo presente noquimiliuhca mochihuas se ystac tilmatli Ca yehuantzitzintin noalbaseas quitasque quename motlax tlahuas noentierro nicahua se huey cali yca yPuerta no yhuan se apose[n]to yca yPuerta ni huan se cosinita yca yPuerta yca mochi a la huerta ye machotitiuhca nica chi monamacas Para oncan quisas Yderechos noteopixcatzin No noquiuhtoa motemacas mandas forsosas Cara S[an]ta de Jerusalen y cion de cautivos a Dos reales Cofradia Santiss[i]mo Totlazomahuisnantzin Animas S[a]n fran[cis]co sessen tomin No niquihtoa D[io]s onehmomaquili teoyotica nosihuatzin ythoca catca Ye dios oquimohuiquili Yhuan D[io]s otehmomaquili matlatli topilhuan chicom[e] Ye D[io]s oquinmohuiquiliu yei Yolticah Yehualhueitlacatl tomaca maria ocze Juana Micaela = ocze Juachin Ern[ande]z No niquihtoa ye opa onimonamicti teoyotica ynahuac nosihuatzin ytoca micaela fra[ncis]ca D[io]s otehmomaquili chicuei topilhuan macuili ye D[io]s oquimohuiquili yei yoltica te yehuatl hueitlacatl ytoca S[a]ntiago xptoval = ocze ytoca maria Jerudis ocze ytoca Joseph Ant[oni]o ramon No niquihtoa nohpotzin thomasa maria yatl onicteneuh nicnemactia se tixiptlatzin yhuan ze tlaltzintli caxtoli baras Para ypan mochanti desde enbida onicmaca ti notlacoal tlaco onictlaxtla oc tlaco oquitlaxtla no iihuatzin tecto maria yhu Dios oquimohuiquili yhua[n] siempre omaca ynin tlali ypan nocargo yatl otic ni coque yquinon huel notlanequiliscacopa nicahuilia nohpotzin y tlali saluis ti

ytehhuic ytlal D[o]n Ju[an]o Costantino yc hueyac asta yPan solar asitica Para canpic calaqui tonati yhuan asta ytechhuic Ytlal D[o]n diego melchor no yhuan ze meza no y huan Se artesa no yhuan Se tlaltzintli ompa mani tehhuic ytlal D[o]n Ysidro maldonado para yc tlaltzin tlahuic ompa campa Cate yc some Campa quilia ychan lin[der]os yh[u]an ynin tlatzintli quimoxelhuique yn yomextin Juana tomasa conanas Para yc tlacpac Ju[a] na conanas para yc tlatzintlahuic No niquitoua nopiltzin Juachin nicnemactia Se banca huei yei Soltic no yhua[n] ze banco razo no yhuan se espada quale amo quipia bayna yhua[n] se tlaltzintli Para mochantis oncan ca Ytehhuic ytlal maria ramos para yc tlaltzintlahuic yhuan quipia ycalleJon Para campa q[ui] sas no yhuan Se tlali ompa mani amola ytehhuic Visente Agustin ye quixmati yh[uan] Se N[uest]ra S[eño]ra de la limpia Consepción no yhuan ze S[an]ta Cruz tepitzin no yhuan Se arca bus yca nochi yfunda No niquihtoa nohpotzin matiana ye D[io]s oquimohuiquili maso quica yeredero ytoca Ju[an]o estevan Nicnemactia Se tlali ompa mani alaguna ytehhuic D[o]n Ju[an]o de la fuente P tlacpac yhuan se bigas nicahua Para quimoxelhuisquie yn yomentin Juana [no niq]uitoa noihuatzin micaela fra[ncis]ca nicnemactia Se N[uest]ra S[eño]ra S[an]ta Ana hueytzin de li[enzo] no yhuan Se mesita tepitzin no yhuan Se torno yca mochi ychichica no yhuan pares Cardas yey Soltic no yhuan se achita tepitzin no yhuan se asadon no yhuan se to [t]emaquixtiucatzin tepitzin no yhuan Se tlaltzintli ompa mani rancho sentlacoli nicahuilia nosihuatzin oc sentlacoli para ypalehuilo ca no anima no yhuan tetlalpitz tzintli nica huilia nosihuatzin ompa mani alaguna yethhuic D[o]n blas geronimo Catca para yc tlatzintlanhuic ye quixmati no yhuan ze aihuelita no yhuan ze metlal yosado no yhua[n] se comali huei no yhuan Se señor S[a]ntiago de retabla No niquiuhtoa D[o]n bartasal niCuiquilia se peso yhuan se tomin No niquitoa D[o]n Ju[an]o de abrigo nicuiquilia se tomin no yhuan D[o]n Juan de la fuente nocuiquilia se peso no albasea Estevan Joseph ocho pesos nicuiquilia oncan motlaxtlahuis yca xocomecatl yhuan se ygos quahuitl quipixcas yhuan quenami noalbasea oncan quimotilis quename motlaxtlahuis yhuan no yoqui quimotilisque qname motlaxtlahuis qyatl Señores oncan oniquinteneuh yhuan mohtin