ENPages
16
quimatica[n] yn ixquichtin quitasque ynin noneltilis ama tlalnamaquilis quename nehuatl Don Antonio Roldan yn teoyotica nomamic doña Sebastiana Belasques nicha ne ytech ynin Altepetl Chololan noBarrio Señor s[a]n Miguel tecpan escoloco; auh niquito ca noseyoloca copa nicnamaquiltia yn Marcos Muños yteoyotica ynamic Maria de la Crus Belasques sano yuhquichane ytech ynin omoteneuh Altepetl yn iBarrio Señor San tiago tecpan Pilopan i se pedaso tlalxipetztli, y pan Ycac se texocoquohuitl ytechyn Barrio Santa Maria ytocayocan temisquanitlan quipia yn tlali ynic tonali yquisaya yhuan ycalaquian caxtolomo me baras ynic atlixcopa yhuan tlaxcalancopa quipia sempohuali yhuan ome baras yhuan tlaco yn tonali y quisaya ycalaquian yhuan ynic atlixcopa qui tlaltepanohua in Don Juan de mendoza ynic tlax calancopa quinamiqui yn oc se pedazo notlal in sano yahqui nicnamaquiltia yn omoteneuh tlalcohuani yhuan ye nochi mosetilia; auh ynin oc se pedazo quipia yn tonali yquisaya yhuan ycalaquian caxtolomome baras: ynic atlixcopa yhuan tlax calancopa quipia matlactli baras yhuan yey quartas yc tonali yquisaya quitlaltepanohua yn Don Antonio dehuitzotl yn tonali ycalaquian qui tlaltepanohua Don Juan de mendoza ynic atlixco pa quinamiqui yn oc se pedazo yanelo: yn tlali ynic ye nochi se titica, ynic tlaxcalancopa qui tlaltepanohua Juan quauhtlayol; auh ynin
17
ome pedaso tlali opa notlacohual quename mel tiuh ytech yn escrip[tu]ra yn se pedaso onico ye senpohua li tonali de No[biem]bre ytech yn xihuitl opanoc de mill setesientos y treinta y ocho yn oc se pedaso ye Matlactlamey tonali mani metztli de marzo ytech yn xihuitl opanoc de mill setesientos y quarenta y un años yxpan yn Miguel Angel Casco es[criva]no de cavildo; ynic yuhqui nohuaxca omochique yn ome pedaso tlalme; auh yn nechmaca ynin patiuh ymomextin yn omoteuh tlalco huani Matlactli p[eso]s yhuan ome tomin chi pahuac teoquitlatli huel nomatica nic selia yhuan yc nimopalehuia yhuan nictenquixtia ca ynin tomin onicseliuh san ixquich yn imelauhcapatiuh yn ome pedaso tlalme yhuan amo ocachiuh ypatiuh auh yn tla ocachiuh ypatiuh yesqui yc nictlalcahua yhuan ytechpan nimiquania yn hueliotl onicpiaya yhuan nochi nicmactia yn omoteneuh tlalcohuani yuhqui nicchihuilia Grasia yhuan donasion melauhcayopan ynic amo quemanian cahuipa[n] nimo cacayahualisnotzas ytechpan ynin tlalnamaquilistli nicchihua yhuan sano yuhqui amo quemanian cahuipa[n] quisas haca se tlacatl quitos ytech po hui ynin ome pedazo tlalme seme noc nihuan noso nopilhuan auh yntla haca tlachalanis quename nitla namacac nomonomayxquetzauh yhuan niquixquetzauh yn ixquich
18
nohuaxca notlatqui yn catqui yhuan yna yesqui ynic nehuatl nicyectlalis ymixpan tzinco yn justisias de su Mag[esta]d yn campa tichane que auh nozo yntla pleitos motlalis ytechp[an] ynin tlali notomintica nictepotztocas yhuan hasta yquac intla yee onicyectlali yecyotica qualyotica ocsepa nicmacas yn omoteneuh tlalcohuani auh yntlacamo yuhqui nic chihuas niquepilis yhuan nictlaxtlahuis yn ipatiuh omochiuh yn ome pedazo tlalme yhuan nochi yn yectlaylistli qualauhqui panolistli ypan yesqui nochi niquix tlahuas, auh ynic neltis nictlalia yn i machio yn Santa Crus yhuan nicchihua Juramento ycatzinco ynDios totlatocatzin melauhcayopan ymixpan yn testigos yehuantin Don Cosme Ahuatl: yhuan lucas toriques tlaneltilisque saso quema nian cahuipa[n] monequis, auh yn nehuatl niess[criva]no de cavildo nicneltilia Nixpan omochiuh ynin tlalnamaquilistli Yc 25 de No[viem]bre de 1743 a[ño]s Nixpan Miguel Angel Casco ess[criva]no de cavildo
19
yca intocatzin in Dios tetazin Dios itlasopiltzin Dios espiritu santo yey personas auh casase in huel neli Dios nimoneltoquitea sen huelitini yhuan nochiuh nineltoca yn misterios yhuan sacramentos quipia quineltoca yhuan quimoquititzinoa yn tonantzin Santa Yglesia Catolica Romana yhuan ypan ynin tlaneltoquilistli oninen, onicauh yhuan nicnequi nimiquis quename melauhcayopan nichris tiano yuhqui ypan omomiquilique mochtin in San tos mai mochihua quimatican yn ixquichtin quitasque ynin notzonquisalis testamento, nicchihua in nehuatl, Juan ortis, nicno oquichtli ytechcacopa in Sebastiana de la Candelaria xiuhcoscatl miquetzintli nichane ytech ynin altepetl Chololan noCabesera Señor San Miguel ynotlaxila cal Santa crus tlacpac auh niquitohua, ca notech oquimotlalili yn iJustisiatzin in Dios totlatocatzin huelmococohua yn notlacayo auh ynanimatzin san pactica yhuan ysenmactiznco nicahua in totequio Jesuchristo ynic quimohuiquilis ycampa yn tlatocatlanequilitzin yeica ca yn itlasoesotzin yhuan yn ipasiotzin oquimomaquixtili; auh nocon mixquechilia yn tlatocasihuapilli ynantzin Dios de los remedios tepeticpac ynic ypan motlatoltis yxpan tzinco yn itlasosenteconetzin totequio jesuchristo mai mochihua ynic sentlamantli nitlanahuatia ytla ye onimomiqui li mochihuas ynonetoquis yn campa intlanequi lis ynoalbaseas yhuan yn quename yehuanqui llellecosque yuhqui notlanequilis nitlanahua tia ymixpan yn testigos ynic ontlamantli nitenquixtia nicpia se noconeuh ytechcacopa ynonamic ocatca
20
Phelipe ortis yn aquin niccahua noheredero yuhqui nitla nahuatia ymixpan in albaseas yhuan testigos ynic yetlamantli nitenquixtia ca ynin noconeuh onicte neuh ytech pohui yca ytlaicnopilhuil ytechcacopa yn inan tzin onicteneuh sebastiana de la Candelaria xiuhcoscatl yn omoquili yhuan amo oquichiuh testamento in tlaco chantli sano ytlaicnopilhuil yn inantzin yn catqui y tech ynin altepetl yhuan ytech yn otli Alcantarilla ytocayocan xiuhcoscatlan mochihua yca se calle tlachia tonali yquisaya ypan catqui se tlacpacali ocse cali tlachia tlaxcalancopa ycampa catqui yn temania tlatli ome tlacatl yhuaxca = Se cosina tlachia tonalli y quisaya= se caballerisa tlachia tonalli ycalaquian oc sse tlatlacpacaltzin ypan catqui in temascali nochiuh ytlaicnopilhuil yn no onicteneuh nonamic ocatca = y huan tlaco colal ytech ynin chantli sano yuhqui ytech opohuia yca ytlaicnopilhuil ynonamic ocatca yhuan tlal me yn sse ytocayocan Papalotlan Nahuititica = oc se ytoca yocan quatanatlan = oc sse ytocayocan quauhtlapolan = y huan yn oc sse texantiacotlan= yhuan quadros in sse de Nuestra Señora de huadalupe = S[eño]r s[a]n Andres = Jesus Parad s[eño]r s[a]n sebastian = s[eño]r s[a]n fran[cis]co = s[eño]r s[a]n thiago= s[eño]r s[a]n Diego Animas = nochiuh ynin tlen nican onictenquixti yhuan ca yn onicteneuh nonamic ocatca ytlaicnopilhuil y huan yn axca ytech pohuis yn onicteneuh noconeuh Phelipe ortis, quicnopilhuis, amo quicacayahuasque nochiuh mactilos nitlanahuatis ymixpan in Alba seas yhuan testigos ynic Nauhtlamantli nictenquixtia ca totech pohui, se cal maltratado, oquicatehuac in notatzin yhuan yn nonan tzin ocatca; Yca ycolal ytech ynin altepetl Barrio S[a]n Miguel tlacpac ytech yn otli huitz ytech yn itepe tzin yn sihuapili de huadalupe yhuan teopancalteco S[a]n Miguel tlacpac ytocayocan ortistlan yhuan o tlalme yn sse mani calixpan yhuan yn oc sse ytech tzecatica tlamiti assta ypan y[n] otli tetepetzinco y[to] cayocan ortistlan auh totech pohui yca