5th_set_58_001_235_65_477_67_001

ynic semicac neltiz ynic amo quemanian sepa timoxicosque tictlalia Juramento yx pa[n]tzinco yn t[o]t[ecuy]o Dios no imixpan in destigos antt[oni]o peres misquitl = fran[cis]co coyetl = yhua[n] agustin de santa maria tepiton ynic Yehua[n]tin tlaneltilisque yn quemanian no nic neltilia yn namatlacuiloani yca in notoca yhua[n] nofirma axcan yc sempoali tonali mani metztli de abril de 1726 san se yn testigo omofirmaro yn ocsequintin oquitoque amo quimati tlacuiloque testigo Agustin de santa maria nixpan D[on] Pablo de tejeda

tlali mani ytoca yocan teapilatlan oquitemaca yn Petrona morales omacac yn elena de la cruz xicalan ypa[n] xihuitl 1726

Ma quimatica[n] mochintin yn aquique quitasque ynnin namatlacuilol yn nehuatl Josepha Ju[an]a sitlal nic nosihuatzintli yn teoyotica nonamic ocatca ytoca ga briel Diego patolcala[n] yomomiquili Auh nicynpia ome no pilhuan sohuame yn se ytoca Ang[eli]na patolcala[n] ynic ome ytoca mag[dale]na maria patolcala[n] nica[n] tocha[n] ypa[n] ynnin alte petl san andres cholola[n] ytech tipuhui yn itlaxilacaltzin yn señor san Jua[n] Aquiyahuac pilopa[n] yehica yn ax[can] nicytohua yn nehuatl Josepha Jua[n]a sitlal yhuan yn nopilhua[n] ometin yn nica[n] oniquinteneuh onicmopialia se tlaltzintli yto cayocan ysatla[n] Auh ynnin tlali huel noaxca notlat qui onehmomaquilitehuac ynococoltzin ocatca ytoca domin[go] sitlal Auh nicytohua ynni tlali masihui omota machiuh nochi yn tlacotlali notlalcohual onicocohuili yn moquihtitzin ocatca ytoca migu[el] sitlal aun san no ytlal nemac ocatca Auh san se tlali omochiuh yehica yn ax ca[n] nicytohua huel nosenyolocacopa notlanequilistica huel yxpantzinco yn dios nicytohua ynic Axca[n] te nicnama ca yn tlali ypa[n]pa ye onicynsentlali yn nome nopilhuan yc oni quinnonotz yc ytencopa ynic Axca[n] ye nicnamaca yn tlali Auh ynicnamacuiltia yehuatl yn itoca D[o]n phelipe de la Cruz samora yn inamic D[oñ]a josepha getrudi san no ni ca[n] chaneque ypa[n] ynnin Altepetl san andres yntlaxi lacal santiago xicotenco pilopa[n] Auh yn tonenonotzal omochiuh yn nechmaca yn ipatiuh yn tlali matlactli yhuan ome pesos teocuitlatl chipahuac nomatica onoco[n] seli yn nehuatl josepha j[uan]a sitlal Auh ynnin tlali omo tamachiuh yn ihueyaquilis yn tlaxcalancopa yhua[n] yn a tlixcopa quipia onpohuali yhua[n] matlactli yhua[n] yey baras yhua[n] tlaco bara Auh yn omotamachiuh yn ipatlahualis yn tonali yquisayan yhua[n] yn tonali ycalaquianpa quipia onpohuali yhua[n] chiquy baras yhua[n] se ochabo Auh onhuetzi yn tlaxcalancopa tlaquapa[n] tepitzin ontzinqui sa omotamachiuh caxtoli yhua[n] nahui baras yhua[n] se tersia yn tonali yquisaya[n] quitlalnamiqui yca yn itlal yn pasqual tecololi yn tonali ycalaquianpa quitlalnamiqui yca yn itlaltzin yn sohuapili tepeticpac yn tlaxca[n]la[n]copa quitlal namiqui yca yn itlal yn d[o]n fr[ancis]co quilo yn atlixcopa otli moch

tica yehica yn axca[n] nicytohua yn nehuatl Josepha Ju[an]a sitlal yn namo quemania[n] nicmoxicos ytechcacopa yn tla li noso moxicosque yn nopilhua[n] omoteneuhque ome ton que Anoso Aca quichalanis sentlama[n]pa ontlama[n]pa te huayolque nima[n] huel ysiuhcapa[n] opa yxquich mocue pas yn tomintzin yn ipatiuh omochiuh yn tlali san no yyhuiqui yntla moxicos yn tlalcohuani nochi quipolos yn i tomin yhua[n] Ahuel yc ticahualilosque yn tlali nima[n] huel ysiuhcapa[n] onixpa[n]tis yntlatqui yntlamama yn quipia Justisia ynic huel yehua[n]tin conneltilisque ynnin to nenonotzal Amatlacuilol escritura nica[n] nictlalia yn i machiotzin yn santa cruz juramento ynic huel neltilis tica ynic nicnamaca yn notlalnemac yhua[n] yn notlaco hual san se tlali mochihua nica[n] ymixpa[n] nochi yn se cab ildo ofisiales De republica ycatzinco yn tohueytlatocatzin Rey D[o]n mig[ue]l de la cruz tenchili go[vernado]r mochiuhtica ypa[n] ynni n Altepetl yhua[n] ymixpa[n] yn testigos yn nica[n] motocayo tia ynic se ytoca D[o]n Ju[an] tequa[n]huehue alcalde ordinario yhua[n] yxpa[n] yn escr[iba]no de cabildo D[o]n joseph antt[oni]o tepan yhuan testigo ynic huel yxpa[n] omochiuh ynin namatlacuilol ynic oqui tlalili yn itoca yn se testigo ypa[n]pa Amo quimati tlacuilos Axca[n] ypa[n] tonali biernes yc chicome tonali metztli de mayo ypa[n] nauhtzontli ypa[n] chiquasenpohuali yhua[n] yey xihuitl Nixpan jozeph antt[oni]o tepan escr[iba]no de cabildo Por testigo D[on] Ju[a]n tequanhuehue ynin tlali onicmacac masqui yc onico matlactli omome p[eso]s teocuitlatli chipahuac yehica tlalxipetztli yn onico miyec quauhxihuitl otentima nia Nochi ynon tomin onicpopolo ynic onicchipa yn tlali

ypanpa on ocachi onictecolti ynic oniquinnam[a]quilti yn santiago tlaca amo quemanian quitosque aso amo m[e] lahuac yn quexquich yc onicnamac yhuan y onimeto qui ypanpa yc quimatizque yn calpuleque ypanpa yn onicceli caxtoli omey p[esos] teocuitlatl chipahuac ypan pa ynin onictequiti yn escrivano de cabildo oquicuilo y huan oquimachioti ypan xihuitl mopoha del 1726 a[ño]s ymixpan testigos D[o]n Juan Bentura aparicio yhuan apu derado tlatoca cabildo yhuan yxpan alcalde D[o]n Joseph de santiago quauhtli yhuan onictequiti yn escrivano de cabildo onictequiti ynic omofirmati ynic cemicac nel tities son 18 p[eso]s Nixpan omochiuh Pedro Juan Aquiahuatl escrivano de cabildo