utblac_jgi_mss_0984_pt1

Ynilhuitlipan titlateomatiz. Tiquimmahuiztiliz ym motahua[n] Ayac momac miquiz. Amo taahuilnemiz. Amo tiychtequiz . Amo titetentlapiquiz. Amo tiquelehuiz yn tenamic. Amo tiquele huiz yn teaxca tetlatqui. Ynin tenahuatilli occan moxelohua yn Etetl ytech pohui yn imahuiztililoca yhuan ytlaçotlaloca in Dios motocayotia yn itech ycuiliuhtica yn nic ce tehuapalli, auh yn occequi yn chicontetl yntech pohui yn inmahuiztililoca yn intlaçotlaloca yn tocotoncayohuan ytech pohui ynic ontetl tehuapalli yn in yxeliuhca yn teotenahuatilli ontetl ypan tehuapalli, ca quimochihuili yn Dios yehica yniquac quimmacac nahua tilli yn Moysen ypan quimacac yn ontetl tehuapalli, yn ach to quimotlalili yn Etetl nahuatilli yn itech pohui yn ima huiztililocatzin ynic ontetl oncan quimotlalili yn chicon tetl yn intech pohui yn occequin yn innahuatil chicahuac ynic tlanahuatia yn iuh catqui in. (ticmotlaçotiliz in dios yhuan yn oc cequintin yn iuh catqui yn. Ynoccequin tetla cahualtia quitecahualtia yn amo qualli yn iuh catqui yn. Amo tiychtequiz yhuan yn iuh catqui y[n]. Tlayctipehuacan yca yn itepalehuilitzin in totecuiyo ynic ticmelahuazque ynin tenahuatilli yn tlacatl ym macehualli amo qualli yn ica ytlachihual huel oquipaçoloque ocohuitilique oquitlayo huan aquique yn huel chipahuac catqui yn iuhqui to natiuhCauhqui ypan tiyazque cecenyaca ypan yn nahua tilli ticchicauhtiazque yn tlatachcauhyotl moceceloti azque ypan yncecen Capitulo ynic huel mocaquiz yhuan ynic huel mochi pahuacatlaliz ytechpa mochipa yehuatl achto mopiaz ym moyectiliz ymochipahuacatlaliz, yn tlein ypac yc tinahuatillo yn ipan tenahuatilli yn. Cuix ye ynic tech chicahuacanahuatia cuix noço ye ynic techtlacahualtia Yn occequi mochi yehuatl yez mitoz yn quenin huel ipan tla tlacolo

tlahtlacolo ynin nahuatilli. Ca cenca huel tetlamachtiyez, oc no yhua[n] oncan quiximatiz yn tlacatl yn iyaohuan yhuan quimatiz tlein ypampa tlatlacohua, no yhuan ynic quimatiz moyolcuitiz oncan quitztiaz yn ipan ycuiliuhtoc ynic quinenehuilitiaz yn i malhuiloca yhuan ynic nemi, ma techmomaquili yn tlanextli ymmochi ypan in, yn aquin quitlahuilia yn ixquich tlacatl, yn ipanhuitl ynin tlalticpactli ç Capitulo .y. tlein mitlanililia in xpiano yn ipa[n] yn tenahuatilli. Ynin tenahuatilli, neci yniuh motlalia tlatolli in çan çentetl mi tlanilia in xpiano auh ca yehuatl in quimotlaçotiliz in Dios yece ytlahuil mochihua intla huel ytic tontlachiyacan ,ca ye tetl yn quitlani mochihua intl ahuel auh mochi ypanca yntla camo maci cemicac yxnahuatiloz. Ca yehuantlin, tlaneltoqui tiztli netemachiliztli teicnoyttaliztli, cenca chicahuac ytech moquixtia ytechpa yn occentlamantli yhuan occentetl tla tlaillli yn oncan motta yn omotlali yn omotecpan ynin tenahuatilli yn ipan in amoxtlacuilolli yehuatl in qui hualtocatiuh yn quihualtoquilia yn ica ymmochipa ypan ti tlatohua ymmochipa mochiuhtiuh ca yehuatl ymmanel amo ticmahuiztiliz yn ça[n]ce nelli Dios yn iuhqui ymmanel amo huey yhuan ca cenca mahuiztic quitecaquitia yni ye tlamanix ti yn. Quimahuiztilia in Dios yn aquin quineltoca yehica y nic neltoca, oncan quinextia ca huel ylhuil ymacehual yn neltocoz. Quimahuiztilia in dios yn aquin çan iceltzin ytetzin comotemachia . yehica ynic ytetzinco motemachia yc neci, ca yxquich yhuelitzin yhuan yn aoctle centlamantli quitla çotla yn çan huel iceltzin ytetzinco motemachia yc quinextia ca ixquich yhueli huel cenquizqui ynic quimotlaçotilia Qui [?]mahuiztilia in Dios yn aquin quimotlaçotilia yehica ynic quimotlaçotilia quinextia camotquitica qualli in dios, ca in tlaltaçotlaliztli ca qualli ytechpa quiça auh ynin motlaçotla yn ipan yxquich ca neci yn cenquizcaqualli yhui yn ymmi

tohua ticmotlaçotiliz in Dios ticmomahuiztililiz in çazce nelli Dios, amo ma occentlamantli mitohua çan huel ticneltocaz yn çace nelli Dios ytech timotemachiz in çazce nelli Dios tictlaço tlaz in çazce nelli Dios. Nican ytech mana ca yetlamantli yn mitlani yn ipan yn nahuatilli. Yn quitzintia ca yehuatl, ca yn ixquixhtin xpianosme quineltocaz .ca oncatqui ce xpo y huan yn ixquich quimitalhuia yhuan yn quimonextilia Catlehuatl yn quimitalhuia anoço yn quimonextilia ypan ymmotlaliz ynicacoca ynic quitecaquitia yn Santa yglesia yniquitech quimocahuilitia yn ihuelitilitzin yhuan yc quimo yacanilia in Espiritu sancto. Ynin tlaneltoquiliztli amo çan yxquich ytech yez in toyollo çan no monextiz yn ica yhuicpa yauh anoço quimocuititiaz yca yn tonenepil ymmonequi ypan, anoço momahuizmatiz in Dios yhuan yn icenquizca qualnencahuan yn isanctoshuan yhuan yn ixquich yntech tzinco pohui yn iuh cecenyaca inyeliz yn Dios yxquich ipan temahuiztililiztli, çan no yehuatl yn ipan altar catqui Sa cramento yn oncan huel nelli moyeztica. Quintepan ynon can ynitech [ ]z momiquili ynoncan quimotequipanilhui yn topatiliz amo ma ypampa in Cruz çan ypampa yn tlein qui nextia ca yehuatzin in Jesuxpo mamaçohualtiloc quihualtoca tiaz ynt otlaçomahuiznantzin cemicac ychpochtli Sancta Maria yehica ca ynantzin in Dios ytictzinco moquexquichcahuiti, quihualmotoquilitiazque yn angelome yhuan in sanctosme: amo ma iuhque ymma teteo, yn anoço ye teottitia cate çan i pampa ycniuhtzintzinhuan in Dios quintepan ynixiptla tzitzinhuan yn ipampa yn quinextia çan no yhui ym monequi ticpiazque ynic tiquintlatlauhtizque yhuan yn tonetolinilizpan tiquinnotzazque. Yn dios yn iuh totepati catzin yhuan quitemacani yn necuiltonoliztli yn sanctosme yn iuh totepantlatocahuan yn quenin ticchihuazque techma ca yn Sancta iglesia oncan ypan in letanias yn iuh tiquito hua. ylhuicac tetatzin Diose xitechmocnoyttili: yn tepiltzin yhuan

yhuan in Spiritu sancto çan no iuh monotza, auh tepan in yeti temotilihui ypan in Sanctosme quitohua, Cenquiz ca qual ychpochtle Sancta mariae topompa ximotlatla tlauhtili San miguel topampa ximotlatlauhtili Ynic ontlamantli nican nitlani ca yehuatl yn ixquich tin x[chris]pianos motemachiz ytechpatzinco in Dios auh çan icel tzin yn quimotemaquiliz yn iqualtilitzin (ca yehuatl yn il huicayotl) auh ynic huel caciz auh noytech quiçaz yn yl huil yn inahuatil yhuan in quimonahuatilia yn totecuiyo auh intlaçamen o ypan huetz yntlahtlacolli ynic quipoloz, yn igraciatzin in Dios: caqui mopalehuiliz yn tlahuel iyollo copa quinitlanilili ynic quimotlapopolhuiliz yhuan ynic huelquichoctiz yn itlahtlacol, quihualmomaquiliz yn imatzin oncan quihualmomaquixtiliz, yntlanel cenca miec ym manel cenca yxachi. Ca oc cenca ye tlapanahuia yn itetlaocolilitzin Auh amo çan nenenca hualoz amo ne xiuhtlatiloz ynic mitohua ca cenca huey yn itetlaocolilitzin Dios manen momalti mane nenen cahualo manen ne xiuhtlatilo yn iuh cequin momat que yn ica ypampa omonencauhque onioxiuhtlatique y[n] axcan cenca tlatlaticate ompa yn mictlan, ca cenca yctech ne macthia ynin in Spiritu sancto ytechpa yn tlamatini yn qui tohua xiquitta in momentiquito: ca cenca huey in itetlaoco lilitzin yn totecuiyo, ca amo quittaz yn notlahtacol Yehica ca nimitzcaquitia ca çan no oncan yn ompa quiça yn intetla ocoliliztli, çan no oncan yciuhca hual quiztihuetzi yn iquala[n] tzin yn amo tonemachpan. Ynic ye tlamantli in niCan nitlani ca yehuatl yn x[Christ]piano quitlaçotlaz yn iteouh yn ipan yxquich oncan huel nocaquiz. Yn quitzintia ynic techtlaquauh nahuatia ynin nahuatillli ynic tictotlaçotilizque in Dios cenca huel mochica yn toyollo

cenca yxquich ica tocializ quipanahuiz inquexquich tohueli y[n] quenin tenantzin ynahuatil cenca ycnoyohua yn iyollo cenca quitlaçotla yn iconeuh çan noiuh quimotlaçotiliz in Dios oc hualca tlapanahuiz ynic quimotlaçotiliz amo cenca yhui yn iconeuh yn huel quitlaçotla. Ynin tetlaçotlaliztli huel ytetzinco monequi in totecuiyo Yn tla tiquittacan yn aquin tzin yhuan yn iuh yehuatzin quimitalhuia in yehuatzin ytetzinco catqui ynic totatzin tonantzin yhuan yn ixquich y[n] toqualtiliz yn tla nonqua huel tiquittacan yn tlein topampa quimochihuili ynic oquichtli ym manel ye yhui, yn tlanel ye ic nopil ymacehual yn tlaçotlaloz amo ma technitlani lilia amo ma yctech motlatzacuiltiliz yca yn atley tech moma quiliz yn igraciatzin Ypampa quimiximachilia yn çoquitl yn teuhtli yn itechpa techmochihuili yhuan techmoyocoyal hui yhuan yn atley tochicahualiz yhuan yn tlein tiquitta tixteloloyca ynic titlaca titlachihualtin yetechyolehuia, amo mach yxquich inteoyotica yc titoyolehua auh yn manel amo cenca yc qualtia yuhquin yehuatl. [Item] Yn icontetl huel mocaquiz ynin tlatolli ynic tlaçotlaloz in Dios yn huel tictomahuiztililizque yhuan cencatic huecapan matiz que huecapan yn tictottilizque yn itlaçotlalocatzin yhuan yn i qualtilitzin yhuan ynic moteic ni iuh titzmohua yn ipan yxquich yn mochiuhtoc yhuan amo tictepito nozque amo tictlanitla lizque ymaitlaoc centlamantli ytlaçotlaloca yn nican tlaltic pac ym manel tota yn manel tonan yn manel topiltzin y[n] manel yn tonoma tonemiliz. Ca niquitoz nequi amo ma ypan pa yn ixquich yn nican nitohua ma ytla nenconchiuh yn x[Christ]pi ano ynic quipoloz yn itlaçotlaloca in Dios yhuan ynic tictoc niuhtitzinohua yn tla çan nen tixpan ohuetzico ynic poli huiz yn totlatqui anoço yn temictiani tlahtlacolli mochi huaz ye ce ma popolihui yn tlatquitl ma camo ye tlahtla coloz, auh çan ye no ye yn ipan oc cequi yn ixquich ica polihuiz