utblac_jgi_mss_0984_pt1

yeica ynin ca huel momatiz tlamatiliztica. anoço yechihualo. Ca tel no oncate totome in quiteittitia. ca onyez yn iquac tetecuica ye ecatl ynic tzazi choca anoço papatlaca yn ipan in ca amo ma tlahtlacolli [item] Ynic nauhtlamantli yhuan yn itechpohui ca yehuatl yn ihuan omotlatlalilique yn tlacatecolotl oynhuan mononotzque yntla oconchiuh yn anoço oytlaconito huallaz in yehuall auh conchi huaquiuh yn, anoço yehuall ynon: auh mochipa cemicac quimoc michtia ym monahuatia yhuan in tlacatecolotl. Ca yhui yn yn tlahtlacohua. yn nahualeque yn tetlachihuiani yn texoxa ni yn tlahpouhque. yn tlacatecolonotzani yn anoço ytla yc quinnotztinemi yn anoço yhuan mocuiltonohua. ynin camo ca qui catlahtlacolli yn tlaoyhua mononotz yn tlacatecolotl, yn tlanel oytlaconchiuh anoço ytla tlatolli conito yn iuhqui ma y techca yn tlahueliltaliztli ynic quitzonquixtiz. auh camelahua tica yn atle ytechca ym manel yeic tlachihualli ym manel ytech patzinco omacoc in Dios Ca ynin motocayotia pacto inplicito yocamomacitica yn tlatlahlli huel miyequin yc motlapololtia yhuan yc tlahtlacohua amo çamixquich yn oncan yn tenime yninchan ynin tlalpan. ynatle quipia temachtilli: ym ma nel oncan mopia Doctrina ynic miximatiz ynitla ytla chihual yntlacatecolotl yn anoço camo. huel yc mixcuitiz yn xpi[cristi]ano yca yn tetocatihuitz machiyotl octacatl, ypan payn yn aquin amo monencahuaz nequiz yn amo moxiuh tlatiz yn iuh miyequintin omonencauhque ym motocayo tia xpia[cristi]anosme, manen quixpopoyotili yn tlacatecolotl [item] Ynic centetl machiyotl octacatl, yn iquac tlatolli mitohua anoço ym micuilohua amo miximati anoço ypan yninezca yo, anoço ypan ytlatollo: ca neci ca amo qualli: ynin miyecpa machihuia: ylhuice oncan yn ipan nominas quitocayotia [item] Yn icontetl yniquac melahuac yn tlatolli yece çan quistla catlalia yn amo melahuac quinenelohua. Mamo pati yniuh

yn iuh quitohua. Psalmo. Xic momaquixtili totecuiyoe ynin oquich tli yn iuh oticmomaquixtili in Saul yn oncan yn quauhtla gelboc Caiztlacayotl ca amo maquim onequilti in Dios quimaquixtiz in Saul ylhuice ompa quimohuiquili ynic ompa miquis auh iuhqui quimo chihuili. No yhuan yniquac motlalia ytla tlamahuiçolli yn amo y pan mana in Evangelio, yn çan amoxtlacuiloltoton ypan mana yn atle yn eltiliz in yehualtin yhuan yn iuhque yn quitocayoti apocriphas: ca amo neltoquiliztli. ca quimochihuilia in Dios yn ipan yn tlamahuiçolpan ypan quipohua yn amoxtlacuilol amatl yn motenehua infancia salvatoris yn atle yn eltilis auh amo ypan quimochihuilia yn tlamahuiçolli ynitechpohui Evangelio. yn iuh que yn ocate cequin en salmos ynic tepatilo. yn oncan mitohua ca in totecuiyo anoço yn tlaçonantzin ytetzinco catqui cocoliz tli, auh ca çan moch yztlacatiliztli. yztlacatilisyotl. [item] Ynic yetetl octacatl, yn iquac tlatolli cenquizcaqualtitica yhuan yn neltitica yece yn ipan in tlanica atle ytla aquillo çan ixquich ypan pohui tetzauh tlamahuiçolli ympan yn tlaca yn iuh mitohua yn ipan ce psalmo. huel molinia cematzatzaz tli ypan ceycpatl yn ayac colimiz Ca cenca huey yqualan capina huiztzin in Dios, ym momatis cayehuatzin quimochihuilia yn tlaiuhquion. Acan motta yn iquac Jesu [cristo]xpo yhuan yn itlamach tiltzintzinhuan monemitiaya in tlalticpac yn iquac tiyanquis tlamahuiçolli catca çan nen mochihuaya tlamahuiçolli. in çan yxquich yc momahuiz tetzonhuiaya. auh axcan yn quimochi huilis. ym manel yquac yn. cenca quitemachiaya in He rodes ym maytla tlamahuiçolli quitta çan ixquich yn amo quimonequilti quimochihuiliz ym manel quimononochitiaya Oncan monextia ca ynin ytlachihual yn tlacatecolotl. [item] Ynic nauhtetl yn iquac yn tlatolli melahuac neltitica auh yni tzonquizca tla aquillotoc nelhuayotoc yece ynic mochihuaz ypan yn axcan mitoz, anoço quinoc maya, anoço çan moquetztiesque, a noço çan netlaliloz yzca ym macyez anoço ynin ytzonquizca yn tlein tlatlalilli yn amo cenca ytetzinco pohui in Dios ypan yn tley[n] mi tlani