utblac_jgi_mss_0984_pt1

polihuiz yn tonemiliz yn iuh quichiuhque in Maxtixesme yn teoyotica motlaili y ohuiltique yhuan yn axcan ni yequin yn iuh quichihua ca ynic quimotlayecoltilia in dios quica hua in ixquich yntlatqui. Ca yehuatl in quitohua S.[an] pablo Dom.[ingo] 8. Aquin techiquaniz yn itechpa yteicno ytlahtzin yhuan ynitla ço tlalocatzin in Jesu X[christ]po yn teyoltonehualiztli yntla ocoya liztli yn chichinaquiliztli yn niquiliztli ca huel neltitica ca amo ma ymacaxoni yn miquiztli amo ma ytlaçotlaloca yn tonemiliz amo ma yxquich yhuehitiliz yn mictlan, yn manel yn illhuicatl amo mahuel nech iquamiz yn itechpa yn itlaçotlalocatzin in Jesu x[christ]po. Ca yehuatl in huel huey huel tachcauh yn tetlaçotlaliztli yhuan huel huey amo ye y nic noyotica tlatlaçotlaliztli yhuan yn huel totonqui Ynin ca no cenca qualli ca no yhuan in quinepanotiez in x[christ]piano. yn manel amo nican quinitlanilia yn totecuiyo yn ma ic tech motlatzacuiltiliz cemicac in quinitlamitia ca yehuatl yn chi cahuac tetlaçotlaliztli ytzonquizca yn centetl ynic titotla paltilizque ynic titochicahuazque yn aoquic tictoyolitlacal huizque yn manel ytla oc ye motlaçotlaz yn manel ytla yc nimacaciz yn ipan yn qualli nemiliztli yehuatl yn tech nitlanililia yehuatl yn tech momaquilia yca yn cemicac yqualnilitzin tlayecuele ypan titemocan yca yn itepale huilitzin yn ic ome ca yehuatl quenin quezquitlan ompa[n] hueliti ypan tlahtlacolo yhuicpa ynin tenahuatilli ycti pehuazque yn itecpano ca yn ihuipon ca in Etetl qualtiliz tli yn tiquitoque oncan in tlani ypan nahuatilli [Item] Capitulo .iii. in quenin ic tlatlacolo yhuicpa ynin tenahuatilli ytechpa yn tlaneltoquiliztli yn ipan ni tlani. Miyeccan ynic mochihua ynic hueliti tlahtlacolo yn itech pa in tlaneltoquiliztli yntech nitlanitilia in totecuiyo,

ypan in nahuatilli, ca yehuan ymmotocatihuitze yn quitzintia ca yetchpa yn atlaneltoquiliztli, tictocayotia hatlaneltoquiliz tlahtlacolli huel yehuantin ytech catqui yn aquique ocaqui tiloque yn totlaneltoquiliz tlaquauhnahuatiltica amo qui celiznequi yn iuhque un Judiosme yhuan yn morosme yhua[n] yn gentilesme: cenca oc hualca yn intlahtlacol yntla quin ya ochiuhtinemican yntla quin tlayelitztinemican yn aquique quitemachtia. Ynic ome yca in Apostasia Apostasia ca yehuatl ym mocemilca hua ynic mocahua yn tlaneltoquiliztli yn ceppa oceliloc yn iuh quichihua ynique yn omotlahuelpoloque yn altepetl ypan yn quicahua yn totlaneltoquiliz ypan calaqui yn itla neltoquiliz in Mahoma anoço ypan yn occequin yn ahtla neltoca. Ynic yei. yehica in heregia Heregesme motenehua yn ye huantin yn ceppa oquicelique yn tlaneltoquiliztli amo quicen quizcachihua amo quineltia amo quinelchihua çan quicotona yntla cana ce articulo yn quicahua yn anoço ytla yneltililoca yn teoamoxtlacuilolli anoço yn ye oquixyeyeco in santa yglesia Ynic nauhtetl yca yn ydolatria ydolatria ca yehuatl yn çan tlapic teotl neteotilo anoço in tlacatecolotl anço in itla tleyn on tlachihualli, ca tlahtlacolli ymmanel can ic omoquelo ymmanel yn atle ynetlapololtiliz ytic ye, çan ixquich ypampa yn quitlalcahuiznequi ymmiquiztli anoço ytla tleyn on ypam pa. Ca no yehuatl yntlacamo quimocuiti yn tlanelto quiliztli ytlatol ycan anoço ytla tleynon nezcayotl yn çan pa ni ca. Ynic macuiltetl yn amonecuitilo yn tlaneltoquiliztli tla toltica, anoço ytla tleynon nezcayotl yn çan nen panca yn tlanequilizpan. Nican mitohua tlanequilizpan yn iquac aca xpiano anoço ynic quitlatia amo quimocuitia yn itla nelto

neltoquiliz oncan ytech quiça yn quitepitonohua yn ipan yn i yeliz yn atlaneltoca anoço yetchcopa yn xpianosme yn quitta quipolohua yn inetililoca anoço yn ichicahualiz ynic quimocuitiaque auh ypampa in miquizque. Ynic chiquacentetl ym mopalehuia yn heregesme yhuan yn atlaneltoca ynpan yn innetlapololtiliz anoço yn amo mopa lehuia yn aquique ypan tlatohua yn tlaneltoquiliztli y n iuhque yn inquisidoresme yn teoyotica tlatlamini anoço yn intlatequipanocahuan yn iquac ymonequian yn inne palehuiliz yntla noço yntech tlacati ynin necuitlahuiliztli yntla nel anoço anoço yquac yn huel monequi yn huel ymo nequian anoço ytla tleynon ypampa. Ynic chicome yn amo momati yn articulos de la fee ynon cat qui yntlalnamiquiliz ynic quimatizque anoço yn amo mo machtia yn aquique ynnecuitlahuil yn quichihuazque yn iuh que teopixque teyacanque yn temachtiani yn amo quilnami qui ynic quitemactizque ynin Docotrina çan oc centlamantli yn huel nelli tetahuan yn teoyotica tetahuan yn tequatequia Ca no yhuan tlahtlacohua yn intlacahuan ynic quintequi pachohua yn intlan nencahua ynic ahuel quimomachtia Ynic chicuetetl ypampa yn Sacrilegio Nican tictocayotia Sacrilegio Amo çan ixquich ynic mahuiztililoz in Dios çanno yhuan yn teoyotica pohui yhuan in ye tlateochihual tin, ca no yhuan yn itla yc mitlacohua yn imahuiztililoca tzin in dios. Ca no yhui ynic tlahtlacohua yn aquique amo quipia yn tlamahuiztiliztli in itetzinco pohui in Dios yhuan yn itlaçonantzin yhuan yn icenquizcaqualticahuan yhuan yn icruztzin yhuan yn teocalli yhuan ymxquich teoyotica pohui yn aquique quicelia anoço quiteittilia. yn iSacra mentotzitzinhuan yn amo yn iicnopil yn aquique qui maxcatia yn teoyotica ytech pohui anoço in teoamoxtla cuilolli yn ipanpa nepohualiztlachihualli yn aquiq[ue]

yhuicpahui yc teoyotica yc tlatzacuiltilo ytla mochihua y huicpa ylpilo anoço tetomalo anoço tequixtilo. Ynic chiuhnahui yca in Supersticion ynin yexcan ynic mochihua. Ynic centetl ca yehuatl ynic nemahuiztililo in Dios, auh amo ypampa ynic nemahuiztililoz . Ca ic tlahtlacohua yn a quique quichihua tlamanaliztli, anoço ytla yehuecacayotl yn itech pohuia yn imahuizçolocatzin in Dios . yn aquique quitlapictlalia yn tlamahuiçolli anoço quitecaquitia ypan yn occequi çan tlapictli yn aquique quitlapictlalia, yntla tlacolpolihuiliztli, anoço tetlapopolhuiliztli, yn anoço nenextiliztli, anoço ytla yn occentlamantli ynic nemo hualo ynach yc quitlanehui yn cenquizcaqualtiliztli. yn aquique quimaxcatia in cenquizcaqualli yn itech pohui ynteyolia ynecuiltonoliz, teoyehuacatiliztica netechtilo yn iuh yquac ye iuh chihualo ynic notzalo yn teopa[n] calacohuaz anoço cocoxcacalco ynic tlamanaloz . yn teopixque yn teoyotica tequitl yn quitepanohua, yntla yhuicpa in ymachiyouh ymoctacauh ymmanel ytla ic quitlapihuican yn teoyotica necuitlahuilli yn neci ca teoyotica pohui: ymma nel ypan quichihuacan yn imahuiztililocatzin in Dios. Atle ymma oc centetl quipanahuia yn teotemahuiztililiztli yn iuh cecenyaca quipiaz yn iyoctacauh yhuan ynin nahuatil. Amo ma yc yxnahuatilo ynin ypampa yn teotemahuiz tililiztli yn quaqualtin quipia ypan in teoyotica tequitl ca tolhuil, ca yehuatl yn itloc quicalaquitihui amoymocta cauh ypan yhuan yn yyeliz. Ynic ontlamantli yhuan ytech pohui ca yehuatl yn aca tla chihualli momaca yn temahuiztililiztli yn itetzinco pohui in Dios . yn iuh quichihua yn quimoteotia yn teteo anoço yn tlacatecolotl . Ca cenca huel huey tlahtlacolli yntla nen quimati yma ypampa in dios quimati in quimoteotia anoço