4th set - vol 58 388 528

Tlalamatl 1727 quimotemaquilia yn pili Dn Juo de la Cruz casco ypalehuiloca yn s D Miql de Arroyo yn tlali ytocayocan Aacatlan ypatiuh 22 ps

quimatican yhuan ma quineltilisque yn aquique quitasque ynin toneltilisamatlalnamatlalnamaquilis que name nehuatl Juan de la Cruz teoquitlahua yhuan Diego ximenes nican tichaneque ypan ynin Altepetl Chololan tocavesera Santiago Pilopan auh tiquitoa ca ticpia se tlali mani ytocayoca A.â.catla ytlalnemac yn nonamic teoyotica ocatca (yn nehuatl Juo teoquitlahua) omotocayotialla Sebastiana Casco Ximenes auh yn ax ca huel toseyolocacopa totlanequilistica ynic tic namaca tihuan yn notetzin omoteneuh tlacpac Diego ximenes quename yoquichtin yn moteneuh teoyoti ca nonamic auh amo san oticnepopoloque yn tomin yc omotocac yn omoteneuh deoyotica Ynonamic quena me ytlalnemac oquinemactitehuac yn itatzin ocat ca omotocayotialla Dn Ju ximenes yhuan yn inamic teoyotica Da Ma Casco auh yn itlalamayo ynnin tlali omoteneuh amo nesi prque oquitepialtica yn nomo teneuh nomaic ychan don Antto quauhque canapa achto omonamictica auh tla quema nesis Noso quite yxantisque yn achto ypilhuan allecmo neltis prque yc omotocac yn tomin yn innatzin = auh yn axca tocennamaquiltia yehuatzin yn Señor Don Miguel de arroyo Caxtiltecatl sano yuqui chane ypan ynin Al tepetl omoteneuh auh tipehua tictamachihuan

yn tlali ynic tonali yquisalla yhua ycalaquia quipia senpoali yhuan se varas ynic atlixcopa yhuan tlaxcalancopa quipia onpoali yhuan caxtoloze ynic tonali yquisalla quitlaltepanoa yca ytlaltzin yn Sn Santiago ynic tonali ycalaquia quitlal tepanoa yn tlalcoani yc quisenmana yn itlal ynic Atlixcopa quinamiqui otli huitz yc quacha llotla tlamehlahua yc coxonatlaynic tlaxcalancopa quitlaltepanoa juan Gauriel Pantli auh yn techmaca yn ipatiuh matlactli ps chipahuac teocuitlatli huel tomatica ticselia yhuan tictenquixtia ca in tomin otic selique san ixquich yn imelauhcapatiuh yn tlali yhuan amo ocachiuh ypatiuh auh tla ocachiuh ypatiuh yesqui ye tictlali cahuia yhuan ytechpan timi quanian yn hueliotl oticpialla yhuan ticmactia yn omo teneuh Sr Don Miguel de Arroyo ynic ticmochihuililia Gracia yhuan Donacion ynic amo quemanian ca huipa timocacayahualiznotzasque ytechpan ynin tlalnamaquilistli ticchihua yhuan sano yuqui amo quemanian cahuipan quisas se tlacatl quitos ytech pohui ynin tlali seme tocnihuan noso topilhuan auh yn tla aca tlachalanis timonomayxquetzauh yhuan tiquixquetzauh yn ixquich tohuaxca totlatqui catqui yhuan yn oc yesqui ynic tehuan ticyectlalisque ymixpan tzinco yn Justicias de su Magd ycampa tichaneque auh noso tla pleitos motlalis ytechpan ynin tlali toto mintica tictepotztocasque yhuan tla yquac yn tla yc oticyectlalique ocsepa ticmactisque yn itlal yn omoteneuh Dn Miguel de Arroyo auh tlacamo yuqui ticchihuasque tiquepasque yhuan tictlax

tlahuasque opa yxquich yn ipatiuh omochiuh yn tlali yhuan mochi yn tlayhitli quala tequipa nolistli ypan yesqui mochi tiquixtlahuasque auh ynic neltis tictlalia yn imachio yn Santissima Cruz Juramento ymixpan testigos llehuantin yn pilli D Juan de la Cruz Casco yhuan Phelipe quauhque no yehuan tlaneltilisque saso quemanian cahuipa monequi auh yn nehuatl niescrivano de la Repu[bli]ca nitetlaneltoquilismacani niquixmati yn tlalna macani yc mochin yn testigos chaneque ypan ynin Al tepetl omoteneuh axcan yc se tonali mani mestli de febrero de mill y setesientos y treita y dos sano yuqui testigo yn lazaro Grande qname quineltilia yca yn ifirmatzi = De pr testigo Nixpan Dn Juo Casco Miguel Ang Casco scriv[van]o de la Repu[bli]ca

Tlalamatl quitemacâ yn Juan de la Cruz teocuitlahua yhuan Diego Ximenes ytech pohui yn i palehuiloca yn Señor Don Migl de Arroyo ypan se tlali mani y tocayoca Aâ.catlan yn ipatiuh omochiuh 1732 10ps