frc selections 1 - 29-1_35-5_46-5

Yn concohua Ytoca matias de la cruz macuilatl totolico Yn inamic Ytoca Ju[an]a anbrosia sano nican chaneque Ypan Unin tlatoca al tepetl omoteneuhqui Ciu[da]d cholulan Yn cabesera S[a]n miguel panchimalco Yn tech maca Yn ipatiuh totlal Ystac costic teocui tlatl chipahuac tomintzin huel tomatica toconselia senpohuali yhuan se peso Ynin tomintzin ca amo san oticnenpoloque ca neli melahuac ca timayordomo otimochiu que Ytechcacopatzinco yn apostol S[a]ntiago cabesera Yc otontlalhuiquixtique Ynic semi cac neltilis auh Yn axcan tiquitohua Yn titlalnamacani ca nican ticmotenehuilia Yn itlasomachiyoquauhnepanoltzin yn t[o]t[eucy]o D[io]s Yn s[a]ntiss[i]ma cruz Juramento Ynic amo sepa timoxicosque Yn tla sepa timoxi cosque opa Yxquich ticuepasque Yn tomin yhuan amo Yn tomacosque Yn totlal sano yuhqui Yn tlalcohuani Yn tla moxicos ca quipolos Yn itomin auh Yn axcan tiqui tohua Yc timochtin yn titlalnamacani yhua Yn tlalcohuani ca huel tiquinmotlatlauhti lia Yn taltepepachocatzitzinhuan Yn con matquilia Yn iatzin Yn iatzin Yn itepetzin Yn t[o]t[eucy]o D[io]s Yn aquin sepa tlachalanis ca man ticmixpantilisque Yn s[eño]r alcalde mayor ma noso yn S[an]ta Yglesia cura bicario Jueses eclesiastico ma noso Yn Jues go[vernad]or por su mag[esta]d ma noso Yn fiscal mayor de la s[an]ta Yglesia ca semicac yehuantzitzin conmonel tililisque Yn tonenonotzal omochiuh no Ymixpan Yn tlaneltilianime testi gostin Ynican motocaycuilohua Yehuan tin antt[oni]o de agilar de soto tlalnamacac Ytestigo tlalcohuani ytestigo g[eroni]mo de la cruz baliente Yehuantin semicac ontlaneltilisque Yn quimati tlacuilos que quitlalia Yn intoca

Ytlalamauh matheo an Brosio de 1661 a[ño]s

Ynehuatl notoca Lorenço Contreras Yhuan Yn teoyotica nonamic Ytoca Juana tlatzalancatl Yhuan Ynopiltzin Ytoca pasqual contreras tocaBesera S[a]n miguel totlaxilacal hueycan tolan tiquitohua ca ticpia ce tlali calnacastli Ytocayocan tolinpan Ynic hueyac quipia matlac maytl ahu inYc Batlahuac macuil maytl atle ypan catqui auh ti quitohua ca huel toYolocacopa totlanequiliztica ticnamaca Yn totlal ahuin ticnamaquiltia Yehuatl Ytoca matheo anbrosio Y huan Yn teoYotica ynamic Ytoca mag[dale]na ma[ri]a Yncabecera s[a]n mig[ue]l Ytlaxilacal tlatzalan Yn techmaca tomin Chicuey pesos chipa huac teocuitlatl ca huel tomatica oticselique yn ixPan testigos Yn oticChiuhque tonenonotzal toconsierto Ynic ticChuihu toescritura Ynic aYac sepa moxicos ahu in aquin moxicos ca nesitiuh YxPan Justisia Yhuan quipolos Yn tomin anoso Yn tlali auh in tehuantin titestigos Ynic ticneltiLia Ynin escritura tictlaLia totoca Yhuan tofirma Yn ticmati tictla Lia ahu in amo ticmati titlacuilosque ca ticmaca hueliti liztli Yehuatl Yn escrivano quitlalis topampa totoca y huan tofirma nonehuatl niescrivano del cabildo ynic nicnel tiLia nictlalia notoca Yhuan no firma axcan Lunes yc 11 de abril de 1661 años Do[n] nicolas hueli destigo Joseph de la Cruz testigo nixPan escri[van]o del ca[bil]do Yn nehuatli Matheo Ambrosio yhuan yn teoyotica nonamic Magdalena M[ari]a tiquitoa ca huel melahuac ticnnamaquiltia ynin tlaltzintli ypan neztica ynin escritura de ven ta auh yn ticnamaquiltia yehuatzin yn D[o]n Matheo Casco yhuan yn teoyotica ynamictzin D[oñ]a M[ari]a Roldan auh yn ipatiuh omochiu matlactli yhuan ome p[eso]s teo quitlatli otiselique tomatica yhuan ynic ocachi neltiz ye nictemaca ynin tlalamatli yhua amo nimofirmatia yn yeica amo nicmati

Yn infirma Yn amo quimati tlacui losque nechtlatlauhtiYa Ynamatla cuilohuani escriba[n]o de cabildo Ynic niquintocaYcuilohua no nicneltiLia Yna matlacuilohuani escriba[n]o de cab[ild]o Yca notoca nofirma omochiuh Ynin tlalamatl miercoles a a 10 de septiembre Ypan Ynin xihuitl de mil setesientos y dies años Yc omococh tlali achto motemaca escriptora Yc neltis sebastian de la cruz soto nixPan Ju[an]o de los s[an]tos Gallego escriba[n]o de cab[ild]o Niquito yn nehuatli Sebastian de la Cruz Soto yhuan yn teoyotica nonamic Michaela de la Cruz tecuacuicuic tiquitoa ca huel melahuac totlanequiliztica yn ticnamaca ynin totlalcoal yn quename onneztica ytech ynin escritura de venta auh yn toconnamaquiltia yehuatzin yn D[o]n Matheo Casco yhuan yn teoyotica ynamictzin D[oñ]a M[ari]a Roldan auh yn toconcelia yn ipatiu ynin tlaltzintli meyotoc ompoali pesos ytztacteocuitlatli tomatica oticzelique ynic neltiz yca notoca yhuan nofirma ynic amo aquin çepa tlachalaniz = ypan ynin xihuitl de 1718 años

tlalamatl quitema ca Yehuatl Ytoca sebas[ti]an de la +[cruz] soto Yhuan teoyotica Yna mic Ytoca micaela de la +[cruz] tequacuicuic Ynin tlali mani Ytocayocan Xahuntitlan quimaca Yehuatl Ytoca matias de la crus macui latl Yhuan Yn inamic Ju[an]a ambrosia Ypan Ynin xihuitl de 1710 a[ño]s