frc selections 1 - 29-1_35-5_46-5

ycatzinco yn itocatzin y[n] Dios tetattzin y[n] Dios tepiltzin y[n] Dios espirito sa[n]to y[n] santissima tri nidad Auh macihui yn ey personas mecaçahua yceltzin yn iteoyotzin Nicnoneltoquitia y[n] nehua tli maria mel[ch]ora - nican nochan s[an] Jua[n] aquiyahua Auh nican nicchihua yn nomemoria testamento ca huel nimococohua ica nopa[n]tzinco oquihualmihua lli yn itlasomahuistlatoltzin y[n] totecuyo Dios ca ymactzin co noconcahua y[n] nanimatzin ma quimotlayacolilis yn t[o]t[eucy]o Dios ypa[m]pa ca oquimochihuilli Auh y[n] notlalo noçoquiyo ytech nicpohua y[n] tlalticpactli ypa[m]pa ytechpa oquisque y[n] tla nimomiquilis tlateochihu[al] tlalpa[n] motocas y[n] nonacayo ynic amo polihuis y[n] notlato[l] ynic 1 tlama[n]tli nitlanahuatia ynehuatl maria mel[ch]ora yn tla nimomiquillis oca nimotocas yn ichantzinco yn s[eño]r Sa[n]tiago xicontzinco onca nechmotoquilis yn iteopix catlatocatzin ficario Do[n] fra[ncis]co sacarias yhuan nicna huatitehua y[n] noconetzin ytoca Juseph gabiel nech motoquilis yhuan nechpalehuis ce missa Reque canta da yhuan nicmopiyalia ome carlli yhua[n] yc mo chi y[n] tlalli nicmacatehua ca onca quimiscalti y n icauhtzintzinhua[n] y ce ytoca lorenço yn occe ytoca Juseph miguel ynic amo polihuis y[n] notlatol ynic 2 tlama[n]tli nitlanahuatia ynehuatl ma[n] mel[ch]ora ytlanimomiquilis inic mopiyalia ce[n]tetl tlatzin tli tlacohual inic momaquilitohua y[n] noço netzin ytoca Juseph gabiel ynic amopolihuis y notlatol Jua[n] pasqual testico Andres Lopez testico Miguel acatzin testigo Agustin michhua testico Fiscar Do[n] mel[ch]or matlacxochitl Jua[n] diego quauhtena[n] De 1680 Años Resebi la dicha paga[?] desta misa cantada que deja esta difunta en este testamento B[achille]r Lorenso de sepeda

Ma quimatican yn aquique quitasq[ue] ynin namatla cuilol yn nehuatl notoca mig[u]el quetzpal nic nooquichtli niquinPia nopilhuan homentin yn se ytoca antonio quetzpal matheo quetzpal nican to chan yPan ynin altepetl s[a]n gabriel chololan totla xilacal S[a]n Juan aquiahuac Cohuapan ynic ya mela huac ticytohua ca ticPia tepiton tlali huehuetla li yxotlahuatl mani hotencohui hotechcahuih tiaque yn aquiq[ue] yntech oticolque hotitlacatque yn o momiquilique auh ticytohua ca totlanequilis ynic hocssepa tinamaca yn totlalnemac yn tic namaquiltia yn yehuatl gabriel garssia nican chane yPan ynin altepetl yn techmaca yn ipa tiuh yn tlali yey Pessos yhuan nahui tomin teocui tlatl chipahuac tomatica yn oticselique yn tomin omonec Yquac yn nimaiordomo ytechcacopatzinco in sseñor s[a]n Ju[a]n Bautista ynin ca huel neltiliztli y nic amo tecacayahua fiscal anose tequihuitili tia Ca ssan huel melahuac yxPantzinco yn Dios ynic otimononotzq[ue] yn imixPan en testigos ynic huan tiquintocacotisque tlatzonquisca ipa[n] yn tlali ynic hueyac quipia yePohuali yhuan matlactli maytl auh ynic Patlahuac quipia yePohuali yhuan macuili maytl yn tonatiuh yquisayan huic quiquaxochnamiqui yca ytlal antonio piye auh yn icalaquianhuic san no yehuatl quiquaxoch namiqui ytlal yn antonio Piye omoteneuh auh yn tla axca lancopa quiquaxochna[miqui] yca ytlal yn tlalcohua ni ynic hontlami atlixcoPahuic hotli ynic yatohua yestanssia Ju[a]n de torres mestisso tlal chiuhqui auh yn tla quequemania[n] cua tlacha lanis ynic huiccopa yn tlali yn ixtlahuatl yn tla timoxicosque yn titlalnamacani ca ho

Pa ixquich ticuepasque yn tomin yn iuh nima[n] tiquinmixPantisque yn tlatquitlalama yn quipia Justissia ynic yehuantin quimonel tililisque ynin tamatlacuilol yn ticchihua yn imixpan yn testigos = andres lopes = mel[ch]or cocolotl = Diego maldonado = no nixPan yn namatlacuilohuani yn testigos ni quintlalilia yn intoca yPampa yn amo quima ti tlacuilosque = yc senpohuali yhuan chiu nahui tonali mani metztli agosto yn ipan xihuitl mil y seis sientos y ochenta y tes años nitlacuilo Juan Antonio testigo yn ihuicco Pa yn tlali tlali omonamacac yxtlahuatl y Pan xihuitl 1685

Axcan ypan xihuitl de 1672 ano ya yc 7 tonalli mani metztli de noviembre yn nehuatl andres lopes tihuan y nonantzin ytoca petronila auh yn axcan çan icatzinco oticmochihuillique yn oticmomaquillique yn totlaltzin macuil maytl yc chicome xihuitl auh yn oticnamaqui tique ytoca gabriel garçia yhuan mel[cho]ra ma[ri]a yn otech momaquilli ome pexo. Auh yn axcan ypan oquimochihuili que yncaltzitzinhuan yey yn ipan yn tlaltzintli auh yn ac ynic yecyotica ticmomaquillia ynic amo aca queman tlachalaniz nican ticmomaquilia yn totlatol yhuan tiquintlalia yn testicos yn tla quemania aca tla[cha] lanis neq[?] ynican motaz yn tla sancta yglesia anoço Justicia ynin amatzintli ynic ticmomaca yn totlal y[n] toschritora di[eg]o gaaetano testico Jusepeh Juarez testigos ma[ri]a cozca testico es[criva]no sebastian Guauhtli

escritora mel[ch]ora catena ypan xihuitl de 1672 año