36

quimatica yn ixquichtin quitasque ynin noneltilisamatlal
namaquilis quename nehuatl Pasqual tecpanecatl in teoyotica
nonamic Michaela Sausedo, nichane ytech ynin Pueblo S[an]ta
Maria tonantzintlan tlatelanali ytech in Altepetl Chololan
auh niquitohua ca nozellolocacopa yhuan notlanequilistica
nicnamaquiltia in Pedro Ascatl in teoyotica ynamic Anna
Maria xptobal Sano yuhqui Chane ytech ynin omoteneuh
Pueblo, in itlaxilacal Señor San Pedro, se tlalxipetztli, y
pan ynin omoteneuh Pue[blo] ytocayocan acomolli, tecpaneca
tlan, huehuetlalli, quipia tonalli yquisaya yhuan ycalaquian
maquilpohuali baras, atlixcopa yhuan tlaxcalancopa qui
pia ompohuali yhuan yey baras, ynic se capal tonalli yca
laquian, auh ynic tonalli yquisaya quipia san ompo
huali yhuan ome baras, tonalli yquisaya quitlltepanohuâ
Ph[elip]e quauhtli, tonalli ycalaquian quitlaltepanohua Pas
qual saucedo, atlixcopa quitlaltepanohua Antoneo mo
yotl, ynic tlaxcalancopa quitlaltepanohua Pablo tecpa
necatl, auh ynin tlalli, nechtlauhtia in theoyotica
notatzin Miguel tecpanecatl, ychicahualispan, ytechca
copa nicYcnopilhuia, yuhqui nicneltilia in nehuatl
Miguel tecpanecatl, ye neli melahuac in nictlauhtia
ynin tlalli yn omotenuh nopiltzin, auh onicYcnopilhui
ytechcacopa in theoyotica notatzin ocatca Juan Miguel
tecpanecatl yn sano oquicahuilitehuac ynonolacoltzin
ocatca Miguel fran[cis]co Ger[ni]mo tecpanecatl, yehica cahuitl
ynic ye huehuetlalli, auh in nechmaca yn ipatiuh
in tlalxipetztli yn omotenuh tlacohuani maquili p[esos]
yhuan nahui tomin, sano