49

ecriptura
ypan inin tlatocamahuizi altepetl Ciud chololan yc cempoalli y
huan chicuey tonali mani meztli enero ypan inin xihuitl de mill
setezientos y quinze Años Ma quimatican yn ixquichtin in aquique con
ytasque yhuan compoazqui in onnonolitilitic Amatlacuilol motocayotia
escriptura de Venta real yn quenin onicuiliuhtoc yhuan ontecpantoc y
tech yntlatoca tlanahuatili mitoa real ordenanza huel yuhqui nocon
neltilia in nehuatl notoca Maria de los Santos nican in chane ypan
ynin tlatoca Altepetl tlacpac omoteneuh nocavezera Santa maria
yhuan niquitoa ca nicpia ce tlali tlalxipetzquimani ypan cavezera
santiago quicalnacaz namiqui inic tonali yquicayan yn sebastian
casco Notlalnemac onechmonemactilitehuac yn Pasqual de la cruz tzapo
tetl huel achtotipa nonamic ocatca inin tlali omothmachiuh ynic tona
li yquizayan yhuan inic ycalaquian quipia ompoali baras auh inic tla
tlaxcalan yhuan inic Atlixcopa quipia cempoali yhuan Caxtoli baras
ynic tonali yquizayan contlalnamiqui in don Miguel ortiz ynic
Atlixcopa yhuan onic tonali ycalaquian otli mor connamiqui auh
ynic tlaxcalancopa contlaltepanoa in Miguel Coca auh inin tlali no
tlanequilistica yhuan yan inihuelio oniquitlanili yhuan onechmacac
ynic ome teoyotica nonamic señor Sebastian Arras caxtiltecatl nocon
namaca yhuan notlanequiliztica noconnamaquiltia in Anttonio cas
co yhuan in theoyotica ynamic ytoca Melchora tetiopan yca matlac
tli pesos yzctac teocuitlatl onechmomaquilisque yhuan nomatica
noconzeli auh inin tomin amo notech omonec caic oniquixtlauh
oc cequi tomin ynic motlanehuiqui ynic oniquizcali yhuan yc
onilhuapauh in nochpochtin Anttonia Maria ypiltzin yn ach
topa nonamic ocatca tlacpac omoteneuh yhuan niquitoa yhuan
nicmacuilia ca can huel yxquich in matlactli pessos ypatiuh
yn tlali tlacpac omoteneuh aocmo ocçequi, auh intla neltocachi
huelitia ypatiuh yezqui notlanequiliztica yhuan noyolocacopa ni
quintlauhtia niquimaxcatia in Anttonio Casco yhuan in theoyotica
ynamic Melchora tetzopan yhuan niquinchihuilia Gracia mitoa
Donadion inic Cemicac quimopialisque yhuan quimomazehuisque
auh inic neltis ynic ye ic cennoconmocahuatila yhuan nocontlalca
huia nicmotlatlauhtilia in señor Alcalde mayor yn ipan inin xi
huitl motlatocatilia yhuan in teyahui cahuitl motlatocatiliaz y
ynic yca inin yn justiciatzin cemicac quimonotililisque ynin tlalan