ENPages
page_0006
qui in itlaçotlacnopilhuilitzin in Totecuiyo J[esu] X[Christo] (Del Thezoro de los infinitos meritos de J[esu] X[Christ]o) Yn Yehuatzin in ye omotlaxtlahuili in ipampa in cemixquichtin Tlaca in intlatlacol texocnoma (pero aun todabia) ommocauh in amo pouhqui in Itlacnopilhuilitzin ic oc noma tentica in Itoptzin in Ipetlacaltzin in Yehuatzin techmopalehuiliz ihuan techmonecuiltonoltiliz (desp[ue]s de haver N[uest]ro pagado por todos los peccados sobro un Thezoro infinito de sus me ritos con los que nos socorre y enrriquece) Auh inin Itoptzin in Ipetlacaltzin Yehuatzin oquimocahuililitehuac in S[an}ta Ygl[esi]a inic Timacozquia ihuan ic titlaocolilozquia in iquac totechom monequizquia Auh no in oncan in Ipetlacalco Yehuatzin o quimocentlalili oquimohuallaquili in tlein omocauh ( loq[ue] sobro) in Intlamacehualitzin in Intlacnopilhuilitzin in Santome in ye yuh yehuantinin omotlaxtlahuilique ipampa imix coyan intlatlalcol (lo q[ue] sobro desp[u]es d[e] haver pagado por sus proprias culpas) Auh in Itlapoaya (la Llave) in Illauetzin inin in Itop tzin in Ipetlacaltzin in Itlacnopilhuilitzin in Totec[uiy]o J[esus] X[Christ]o ihuan in Itlaçotzitzinhuan ca in Imactz[in]co ca in cenca huei Totlatocateopixcatzin in Ipatillotzin in Totec[uiy]o J[esus] X[Christ]o Yehuatzin in S[an]to P[adr]e Sumo Pont[ific]e in ompa Tlatoca altepepan monemitia ihuan quimoyacanilia quimonahuatilia in Cennonohuian Atianoyotl Cemanahuac Auh in Yehuatzin in S[an]to P[edr]o tech momacahuililia techmocnelilia ihuan techmoxexelhuilia inin tlaihiyohuilizcaxahuiliztli inin Tecentlatlacolpopolhuiliztli Yn
page_0007
Yndulgencias, ihuan Juvileos; in iquac totech ommonequi, in quenami ommonequi; ihuan in quenin in Yehuatzin S[an]to P[adr]e quimotecpantilia, quimotlatlalilia, inic totech pohuiz, totech hualaciz in jtetlaocolilitzin, in jteicnelilitzin, in jtenemactzin. Auh inic tiquicnopilhuizque, tictomacehuazque, N[uestro] P[adre] iniz tlaihiyohuilizcaxahualiztli, huel totech ommonequi; inic huel acachto = pa, Neyolcuitiliztica, noço Neyoltequipacholiztica titlatlacolpopolhuiloz = que, ihuan titoyoltequipachozque ipampa in cemixquich in totlatlacol, ma temictiani tlâtlacolli, ma tepiton tlatlacolli; ihuan tictocemital = huizque; inic ye aocmo ceppa tictequipanozque. jhuan çatepan ticchi = huazque, ticacicaneltilizque in tlein techmonahuatilia in S[an]to P[adr]e ihuan in quenamî techmonahuatilia. Ca nel, ca niman atleticpa = tlazque; atle tictlatziuhcacahuazque, in itechpa in tlein, in Yehua = tzin oquimotecpanili. Auh in axcan ma ximoyolehuacan, N[uestro] P[adre]; inic mochipa anquicnopilhuizque inin centlaihiyohuiliz; Tecentla tlacolpopolhuiliztli; ic in amo çan quenami amopalehuizque in iz Cemanahuac; inic çan niman ampatlantihuetzizque ihuan an = tlamelahuazque in jlhuicac (volaran d[e]r[ech]os al Cielo) Auh ic ipampa N[uestro] P[adre] immanel amo amonahuatil, amo amohueimamal; inic Ce = cexiuhtica anquiquixtizque in S[an]ta Bulla; auh ye ipampa, niman = amo antlatlacoa immanel amo anquiquixtizque . Ca noço, ca anhue = liti mochipa ammoyolcuitizque, antlacelizque, ihuan Neçahualiz = pan Quaresma, quiquezque in Totoltetl, in Tlatetzauhtli, in Chichi = hualayotl, in Namantecayotl, ihuan in oc izqui tlamantli, in itech po = hui
page_0008
in Totolteyetl, in Chichihualayotl; in motenehua Lacticinios; immanel âmo anquiquixtizque in S[an]ta Bulla; tel ma huel xicmocuitlahuican, ma ixquich in amotlapal xicchihuacan; inic anquiquixtizque. Ca no = ço; ca ic anquicnopilhuizque in amo çan tlapohualli in Centlaihi = yohuilizcaxahualiztli, in Tecentlatlacolpopohuiliztli, Yndulg[encia]s. ihuan Juvileos. Ca nel achi mochipa (casi s[iem]pre) anhueliti anquicnopilhuizque, noço macitica noçe amo macitica Tlaihiyohuilizcacahualiztli, Yn = dulg[enci]a (casi s[iem]pre podéis ganar jndulg[enci]a plenaria, o no plenaria) ic mochi = pa ammocencahuazque; inic qualli ic ammomiquilizque. Ma ipan ximixcuitican in Ce cihuatl Tlacatzintli. jn yehuatlin qualli ic omocencauh, omonemachti (se preparó) inic quicnopilhuiz centetl Tecentlatlacolpopohuiliztli; auh ye oquimomacehui; ca çan ni = man omomiquili. jn jicnihuan in itlan ohuallaque, cenca ic moyoltequipachoticatca, ihuan quichoquiliticatca in jmiquitzin in Tlaçocihuatzintli. Auh izca, N[uestro] P[adre]; ca in iquac on, in quichoquiliti = cihuatzintli oquimhualmotliti in ticnihuan; inquichoquiliti= catca; ihuan yuh oquimhualmononochili: Nocnihuane; maca = mo nopampa xichocacan. Ma çan ixquich, ma ye qualli in a = mochoquitzin. Ma ximoyollalican: ipampa ca, anquimatizque; ca oquimonequilti in D[io]s; inic oquicnopilhuizquia in Cen = tlaihiyohuilizcaxahualiztli, Juvileo; ihuan in ma çan niman onimiquizquia; ic in Noyolia, in Nanima, ca çan niman opa = tlantiquiz, ihuan otlamelauh in ompa in jlhuicacpapaquilizpan, Gloria, ihuan niman amo in ompa onicalac Netlechipahualo = yan
page_0009
yan, Purgat[orio]. Oquîtô inin quemmachami Cihuatzintli ihuan zan= niman imixpampa in Tlacâ opoliuhtihuetz ihuan in Ilhuicac o= hualmocueptzinô. Yehuatlin tiquicnopilhuiâ, tictomacehuiâ, Nuestro Padre = in ipal in ipampa in Tecentlatlacolpôpolhuiliztli, Jubileo. Na ic ti= topalehuican, ihuan; ma ic Ilhuicacpa titlamelahuacan. (vamos derechôs hazia el Cielo.) Ca zanyê ommocahua, [?]; inic in itechcopa titlatoz= que in Tlateochihualatzintli; ic momoztlaê, can achica, zan atzan (a menudo) Titatzelhuiâ. Auh itechcopai ticmatizque, Nuestro Padre Ca in Teopixqui, in Itencopatzinco in Cenhuelitini Dios huei Tlateomatilizti= ca, tlatlatlauhtiliztica quimoteochihuilia inin Atl, auh in oncan quimotlatlauhtilia in Dios in ma Yehuatzin quimoteochihuili, i= huan, ma quimomaquili in Atl, in Ihuelitilitzin in Ichicahua= litzin; inic ic ticpalehuizque in Tonacayo, ihuan in Toyolia, in Ta= nima, in ihuicpa in nepapan cocoliztli, in nepapan netoliniliztli; ihuan inic no ic titomaquixtizque inin huicpa in Mictlan tlâ= tlacatecolô, ihuan in Intetequipanôcahuan; ca yehuantin in Tetla= chihuique, in nahualtin, in Techichinque. (contra todo genero [de] Hechizeros) Ihuan in Totecuiyotzin quimohuelitiltilia in Atl, (le da poder, y virtud â la Agua) inic Tonepalehuiaya, ihuan Topâtica yez: (por que sea nuestra ayuda, y medicina) ic titomanahuizque, ic tito= piezque, ihuan ic titopatizque. Auh in Ihuelitiliz in Tlateochi= hualatl, ca yehuatlin; ca techpôpolhuia in Tepitontlatlacolli, ini= quac tlateomatiliztica, neyoltequipacholiztica ic Titatzelhuiâ in Tlateo=
page_0010
Tlateochihualatl. No inin Tlateochihualatl quinchololtia quinhuecaz tlaza in Mictlan tlatlacatecolô, ihuan in Mictlan Imicnihuan. No ihuan ic titopalehuizque, inîquac titocochehuâ; inîquac titotecâ; inî= quac canapa tiazque; inîquac ticalaqui, nozo tihualquizâ teopan; i= huan in Topan hualmopiloz, techcuitihuetziz itlâ aquallalnami= quiliztli. Ihuan no yuhqui ic anquimatzelhuizque, ihuan an= quizteochihuazque in Amo pilhuantoton, in Pipiltzitzintin, ihuan in Cocoxque. Ca nel; ca in Timochintin ic Ticpalehuizque in in To= yolia in Tanima, ihuan in Totlalnacayo; inic âmo mococoz, nozo inic mopâtiz. Auh ic ipampa, Nuestro Padre ma mochipa amochan xic mopielican inin Tlateochihualatzintli; inin Pâtilizatzintli, i= nin Yolilizatzintli; ic mochipa amatzelhuizque, inîquac anqui= nequizque. Ma ticmatican, Nuestro Padre inoquic cemanahuac ti= nemî, ca zan Yaopan, zan nêcalilizpan tinêmi; (andamos en guer= ra) ihuan, ca in Toyaohuan cemicac techyahualôtinemi: i= huan, ca huei Tochimal totechmonequi; inic tiquimpana = huizque, ihuan inic tooncalaquizque in Dios Itlatocayopan in Gloria. Amen. Inin Temachtilli, in Itechpa tlâtoa inic macuiltetl Teyectililoni Sacram[ento]; ca Yehuatl: In za tlatzacuia Teo= yotica Teôzaliztli; in Itoca, Extrema Unc[ion] Acan quenamî, in Dios in Itlamaquixtzitzinhuanê; âcan yuhqui in Iteicnelilitzin, in Iteicnoittalitzin, in Iicnohuacayo= tzin