utblac_jgi_mss_0982_pt1

De las Yndulgencias, Juvileos, y a la Agua Bendita Jnin Temachtilli, in itechcopa tlatoa in Tlaihiyohuilizcaxahualiz tli, in Tecentlatlacolpopolhuilitztli, ihuan in tlateochihualatzintli Ticmatizque, Nuestro Padre; ca ontlamantli onixhua onehua in itechpa in Tla tlacolli. (dos cosas resultan del Pecado) Jnic Centlamantli, ca yehuatl, in J yolitlacolocatzin, in Jmahuizpololocatzin in Jtlatlacolocatzin in cen huelitini Dios (la ofensa y culpa contra Dios) Jc tictoyolitlacalhuia in yez huatzin, ticmahuizpolhuia, in jhuicpatzinco titlatlacoa, ihuan in jxtzinco in jcpactzinco. Titehua in çan se no yehuatzin in Dios. Jnic ontlamantli in itechyoa quiza in Tlaxtlacolli; ca yehuatl in totlatzacuiltiloca, in totla ihiyohuiltiloca in tictzaquazque, tiquihiyohuizque ipampa in to tlatlacol; ca nel; ca nozo in nican Tlalticpac, noce in ompa Nechipa hualoyan Purgatorio ic titlaxtlahuazque, intla açitla tictohuiquililia in Dios ipampa in totlatlacol. Auh ca nelli; ca ic ixtlahuiz, ixiptlayo huan in Totlatlacol: (con esto se satizface la deuda a el Pecado) ca in Jtlaxtlahuaya mochihuaz; immanel in totecuiyotzin Dios ye otechmopo polhuili mochi in yehuatlon totlatlacol. Jpampa ca cececniquiztica, ce centlamantiquiztica in Jtepopolhuiloca in Totlacol, ihuan in itetza cuiltiloca. Auh ihuiin, macihui in Dios techmopopolhuiliz in Totla tlacol; yece amo mochipa techmopopolhuilia, amo techmocaxahuili lia in cemixquich in totlatzacuiltiloca. Auh yehuatlin in Totlatza cuiltiloca, in tiquihiyohuizque ipampa in totlatlacol, ca ic techmo popolhuilia, techmocaxahuililia in Dios in tlaihiyohuilizcaxahualiz tica

tica, in Tecentlatlacolpopohuiliztica; in itechpa axcan nitlatoz, ihua namechtecpaniliz, namechcemmelahuiliz. Auh inic in yehuatlin, ticnelhuayotocazque; (lo sepamos de xayz, y con fundamento ma acachtopa ticcaquitican in tlei in itech copa itechmachtia in nemachtiloni catezismo; in yuh acatopa tetlatlania: tlein q.n. tlaihiyohuilizcaxahualiztli, anoce in te centlatlacolpopolhuiliztli; in jtoca yndulgencia nozo Juvileo Auh ni man ye tenanquilia: jn tlaihiyohuilizcaxahualiztli, ca yehuatl; Jc in Dios techmocaxahuililia in Totlatzacuiltiloca; in tiquihiyo huizquia ipampa in Totlatlacol, in ye otipopolhuiloque. Auh ye huatlin q.n. Nuestro Padre:ca in tlaihiyohuilizcaxahualiztli ca yehuatl; ic in totecuiyotzin Dios techmopopolhuilia, ihuan techmocaxahuili lia in totlatzacuiltiloca, in totlaihiyohuiltiloca, in totonehualoca, in tictzaquazquia, (que hauiamos de lastar) tiquihiyohuizquia ipam pa in totlatlacol, nozo in nican tlalticpac, anozo in ompa netle chipahualoyan Purgatorio. Auh ihuiin, Nuestro Padre; ticmatizque: ca in tla ihiyohuilizcaxahualiztica, niman amo techmopopolhuilia in Dios in totlatlacol: ipampa ca in Dios ca zan ye iyo in toneyolcuitiliztica; no ço in toneyoltequipacholiztica techmopolhuilia in totlatlacol; i huan niman amo techmopopolhuilia in tlaihiyohuilizcaxahua liztica. Ca nel noço ca tlayacatz in jtepopolhuiloca in totlatla col; ihuan çatepan quihualtoquiliz in tetlaihiyohuiliz, in jcaz xahualoca. q. n.Nuestro Padre: ca huel acachtopa neyolcuitiliztica, nozo Ne

Neyoltequipacholiztica titlatlacolpopolhuilozque, ihuan çatepan ti= quicnopilhuizque in tlaihiyohuilizcaxahualiztli, çatepan Titlaihi= yohuilizcaxahuililozque; çatepan techmopopolhuiloz in Dios in totla= tzacuiltilica, in totonehualoca; in tictzaquazquia, in tiquihiyo= huizquia ipampa in totlatlacol [primero se ha de perdonar la culpa por la Penitencia; y luego la pena por la Yndulgencia]. Auh i= hui in, in aquin ayamo otlatlacolpopolhuiloc, ca niman amo hue= liti quicnopilhuiz, niman ahuel quimacehuaz in Tlaihiyohuiliz= caxahualoztli; ayamo huel ic mopalehuiz ; noço in itech pohuiz; in ixquichcauh moyolcuitiz, nozo moyoltequipachoz, intla nel iyollo commati, ca quipia, ca in itech ca itla temictiani tlatlacolli. Jpampa ca in amo quipia, amo in itech ca itla temictiani tla= tlacolli; ca amo in itech ommonequi in Neyolcuitiliztli, no= ço in Neyoltequipacholiztli; ic quicnopilhuiz in Dios in jteyec= tiayatzin in Gracia ypampa ca un amo quipia itla temictiani tlatlacolli, ca nelli, ca ye in itech ca in Dios in jteyectiayatzin in Dios in jgraciatzin. Auh in ye ticmati, Nuestro Padre catlehuatl in Tlaihiyohuiloz= caxahualiztli, jndulgencia; axcan ticmatizque: ca inin Tlaihiyohui= liz caxahualoztli, ca ontlamampan xeliuhtoc. inic centlaman= tli, ca yehuatl, jn huel macitica tlaihiyohuilizcaxahualiztli, in motenehua Tecentlatlacolpopolhuiliztli, noço jndulgencia plenaria.Auh ca yehuatl, ic in Totecuiyotzin Dios Techmopopolhuilia, techmaca= xa=

xahuililia in huel cemixquich in totlatzacuiltiloca, in totonehua= loca, in tictzacuazquia, in tiquihiyohuizquia ipampa in totlatla= col; immanel inin totlatlacol, cenca temamauhti, ihuan amo tla= pohualli yez. Auh ihui in, intla mochihuaz: ca Aca tlacatl, oquic= nopilhui inin Tecentlatlacolpopolhuiliztli, Yndulgencia Plenaria, noço Juvileo; ihuan çan niman momiquiliz; ca nelli, ca melahuac, Nuestro Padre ca niman ic tlamelahuazquia in jlhuicac; ihuan niman a= mo in Netlechipahualoyan Purgatorio onhualmaxitizquia, ommo= calaquizquia. Ca noço; ca in yehuatlin Tlacnopilhuiani, ipan tic= matizque, yuhquimma in ce Piltizntli, in ye yuh oquaatequiloc, ca niman atle quitzacuilizquia, quelleltizquia; inic amo çan= niman quimottiliz, ihuan quimocentlamachtitzinoz in totecui= yotzin Dios. Auh ic ipampa, Nuestro Padre; mahuel xicmocuitlahuican; inic anquicnopilhuizque, in Tecentlatlacolpopolhuilitzli, Yndulgencia Plenaria noço Juvileo. Inic ontlamantli Tlaihiyohuilizcaxahualiz= tli, ca yehuatl; ic in Totecuiyotzin Dios amo techmocempopolhuilia, amo techmacicacaxahuililia in cemixquich in totlatzacuiltiloca, ipampa in totlatlacol; ca çan ye in Yehuatzin ca çan quexquich, ca çan in ixeliuhca in totlatzacuiltiloca techmocaxahuililia, tech= motepitonolhuilia, techmotzinquixtililia. (nos relaxa parte a la pena) Auh yehuatlin q.n Nuestro Padre in iquac techcaquitia, techma= chiztia: ca in Santo Padre Yehuatzin in sumo Pontifice techmomacahui= lilia [nos concede] ic techmocnelilia, noço ompoalilhuitl, noço om= poal=