frc selections 2 - 14-008 33-034 55-102 65-173

Yn ica yn itocatzin dios tetatzin dios ytlasonpiltzin dios espiritu santo y[n] teyntin teotlacatzintzintin personas auh ca san sen huel neli dios nicmosenneltoquitia yn oquiyocoxcos yn oquimo chih[u]ili yn ilhuicatl y[n] tlaltipactli yn ixquich yn italo yh[u]a[n] yn amo ytalo ca nicmotlatlauhtilia dios ynic Ychpochitli S[an]ta ma[ri]a ynic mopanpa quimotlatlauhtilis yn itlason conetzin totecuiyo Jesochristo ynic nopam tlatoltos yn ix pantzinco yn itlasotatzin dios ynic sentlamatli niquitohua ynehuatl notocan Ju[an]o de adgilar temouhcihin y[n] teoyotica ynonamic ytoca petrona ma[ri]a nican tochantzinco ypan altepetzintli S[a]n luys tocapilla ca notech oquimotlalili yn iJosticia tzin dios yn itetlasontlalitzin ca nicpacaselia yca moc hi noyolo ytle nopan oquimonequiltin niquitohuan tiquipiya topilhua[n] teoyotica yeyme se ytoca ma[ri]a ju[an]a temocihin tlachcauhtzin ynic ome ma[ri]a pelipa sohuatzintzintin ynic yey ytoca andres temouhcihiny ynin xocoyotzintli oconin toteh yn notatzin ynonantzin nextica ytesch testamen to onech motlayocolilitehuac notlalnemac axcann nomacaquilia ynonamic petrona ma[ri]a quinmoscaltililia ynin tzin y[n]tla dios quinmochicahilis quimomaquilis ynin calnemac tzin ynin huel nitlanahuatia ymixpantzinco dios yh[u]a[n] tequihuaq[ue] y[n] testigotin ynic nopan tlatosq[ue] yn ixpantzinco dios yhua[n] yn alvasea nicchih[u]a pelipe cuatecontzin destigo miguel feli ciano p[edr]o q[ue]chol nopan tlatosq[ue] ymixpantzinco dios yn Y yn imixpan ytlasoteopixq[ue] yn iJosticia ym tlapiyalia yn ipan tlatocaaltepetl Siu[da]d chulola yc 6 metztli ma yon 679 año ymixpan toteopixcatzin D[o]n fran[cis]co B[ue]n[a]B[entu]r[a] nixpan fiscal s[an]ta yglesia D[o]n Salvador de la Cruz

Recevi de Petrona Maria la limosna de una missa Cantada y dos Vigilias para el alma de Jua[n] de Aguil[ar] su marido y por que conste di esta tres de el año de 1716 y lo firme B[achille]r Ygnacio de Portes Zepeda

destamento Ju[an]o de agilar temocohcihin S[an] luis 1709 años

Ycan itlaçomahuistocatzin yn Santissima trinidad yn Dios tetauhtzin yhuan tzinco yn Dios ytlasomahuispiltzin yhuantzinco yn Dios espirito santu yn mexyxtintzintzin teotlacatzintzintin auh San se huel neli teotli Dios nicmo neltoquitia noquiyocox noquimochihuili nilhuicatl yhuan in tlalticpactli in ixquich nitalo ihuan namo yntalo yhuan nicmoneltoquitia tona[n]tzin Santa Yglesia Catholica romana ame[n] Auh Sen tlamantli nitlanahuatia nehuatl notoca Pedrona temocihui teoyo tica nonamic ocatca Juan temocihui nica[n] tochan San Luis auh in naxcan ca notech oquiotlalili n iJostisiatzin noSentecuiyo tlatohuani Dios huel ehcahuac nimococohua huel tonehua notlalo nosoquiyo auh nanimatzin amo quen catqui Ca san n iSenmactzinco nicmocahuilia in nitatzin Dios Ca ytlachihualtzin auh notlalo nosoquiyo tocos n ichantzinco Rosario innic ne chmocnoytelis nanimatzin Auh nic omtlamantli nitlanahuatia in nehuatl notoca Pedrona temocihui auh nax Can chantli cali Santome quemani Catqui oc sepa San no yuhqui nicmomaqui litehua noconetzin Andres temocihui teoyotica ynamic Josepha tecaxco am[o] aqui quicuilis noço tlachalanis huel nitlanahuatia teyxpan amo polihuis no tlanahuatil n iquisaya tonali quitepanohuan Juan moxcohuatli n icalaquia tonali quitepanohuan Juana Vicente tlaxcallancopa quitepanohuan Ag[us] tin Vicente n atlixcopa quitepanohua Juana vicente huel nitlanahuatia teyxpa amo polihuis notlanahuatil Ynnic etlamantli nitlanahuatia nehuatli notoca Pedrona temocihui oc tepi tzin tlaltzintli nicmopialia onechmomaquilitehuac teoyotica in nonamic ocatca naxca nicmomaquilitehuan noconetzin andres temocihui no chi metzintzintin n iquisaya tonali tepatl notl teopa quiahuac n icala quiaya tonali quitepanohua Mathias cenpoal tecatli ocatca yhua[n] Santiago senpoaltecatli pasqual quauhtecatl tlaxcallancopa quitepano luis de la Cruz Antonio Barios n atlixcopa quitepanohua Phelipe aparicio yhua Maria de la Cruz temocihui semetepatzin tlaltzintli yhuan metzintzintin nicmomaquilitehua niqueteco Phelipe aparicio huel nitlanahuatia teyxpa amo pilihuis notlanahuatil Nic nantlamantli nitlanahuatia nehuatl notoca Pedrona temoci hui oc tepitzin tlaltzintli huel tlaco quimocotonisque Maria temoci hui teoyotica ynamic Matheo de la Cruz tlahuechitli yhua[n] Maria Cruz temocihui tlaltzintli semolotlan n iquisayato naticontepano hua Simo aparicio n icalaquia tonali contepanohua Juan Mitzcohuan tl tlaxcalancopa quitepanohua Antonio Barios n atlixcopa oquitepan nohua Antonio barios huel nitlanahuatia amo polihuis notlanahuatil

Auh nic macuillamantli nitlanahuatia nehuatl notoca Pedrona te mocihui Yhuan nicmonahuatilia noconetzin Andres temocihui tla ne chmopolhuilis in Dios nechquimilhuilis notlalo nosoquiyo yhuan nech motoquilis quimotemaquilis yhuan tla ocacic tlamanaltzintli nechpa lehuilis nanimatzin yxp[an]tzinco Dios se missa Cantada yhuan nopa moch[i] huas Vigilia responço yhuan niquimonahuatilia nopilamatcatzintzin huan Concahuisque se missa Cantada Axcan yc nican onoContzonq[uiz] tico nomelahuacatzonquisalisneltilis memoria destamento lle nimo quixtia ytlalticpactzinco y[n] Dios lle nochi onocontecpa Melacayoticate pa noconchihua n noalbasea luis Gutierres testigustin Gabriel Gu[tie] rres testigus Diego quatlacentli testigus Nicolas çohuamani no ixpan Fiscal fran[cis]co çenpoaltecatl merino Juan tozque nic yehuatin tlan[el] tilisque n imixpantzinco toteopixcatepachocatzintzinhuan huan noço yehua[tzin] S[eño]r alcalde mayor quimopialia tlatocaaltepetli Siudad chollula Axcan motlalia destamento martes yc 26 Marzo ypa[n] xihuitl 173 años escrib[an]o S[an]ta Madre YGl[esi]a Fran[cis]co luis guateco