40

Ma quimatican Yhuan ma quineltilisque yn ixquichtin
Yn aquique Yn conitasque Yhuan Yn conpohuasque
Ynin totlalamatlaCuilol Yn iuhqui ontecpantoc
Yn ipan tlatocatlanahuatili Ynic Yc neli melahuac
noconneltilia Ynehuatl notocal antonio belasques
tihuan teoyotica nonamic Ytoca Jua de la + auh tiquin
pia teoyotica topilhuan nahuime Ynic se itoca antonio
belaques yn inamic ytoca maa ynic ome ytoca miguel
aparisio belasques Yn inamic Ytoca micaela antta
ynic yey Ytoca salvador belasques Yn inamic teresa maa Ynic
nahui pasqual belasques Ynamic maria ynasia Ynin
oniquinteneuhqui nopilhuan amo huelitis sepatla
chalanisque auh nican tichaneque Ypan ynin
tlathoca altepetl Ciud chololan tocabesera santiago
tzocuilac coYohuancan Yn axcan tiquitohua ticpin sentetl
totlalcohual mani Ytocayocan castillotlan onicohuili
Julian castillo Yn axcan Yca mochi Y totlanequilis
Ynic toconnamaca Ynin tlali amoteneuh Yn axcanti
pehua tictamachihua Ynitlaxcalancopa Yhuan Ycatlix
copa quipia senpohuali yhuan chicueYi maytl yhuan
se uara tiyahui ynic tonali Yquisayan yhuan tonali Yca
laquiyan quipia ynic patlahuac chicuey maytl yhuan
se uara yhuan se quarta ynin tlali Ypan cateques quime
me yxtlatlaco yc mochi ypan monamaca tonali yqui
sayan contepanohua Yn tlalcohuani sebasan grande
tonali YcalaquiYan contepanohua pasqual tenahua
tlaxcalancopa connamiqui Ynihohuitzin yn tohueytlato
catzin rey atlixcopa sano Yehuatl contepanohua pasqual tena
hua Ynin tlali Yca mochi Yn totlanequilis mochihua
yehuatl toconnamaquiltiya juo grande
telpochni sano nican chane Ypan ynin tlato
ca altepetl Ciud chololan Yn techmaca
Yn ipatiuch totlal Ystac costic teocuitlatl chi
pahuac tomintzin tomatica toconselia chiuh
nahui pesos yhuan nahui tomin ca amo sa oticnenPoloque Yn tomin
tzin ca san no se tlaltzintli Yctoconmoco
huiYa Yntlasepa timoxicosque Yn titlal
namacani yca opa yxquich ticuepasque