page_0013

dios tetatzin dios tepiltzin dios espirito sancto yey persunas
ça ce teutl dios ypalnemohualoni. yhua no cenquizca
ychpochtli sancta maria totepatlatocatzin ylhuicacçihua
pili sanc yhua nosancto noangel yva yehuatzitzinti yn isqui
chtin ylhuicactlaçopipiltin sanctome sanctame yn isquich
angelos yhmispatzinco niquitoz nictenehuaz ynonetequi
pachol yspatzinco dios yva tlalticpac notesticos niquito
ynehuatl notoca bartholome rudriquez nopan quimochivili
ya yn ijustiçiatzin tlatohuani dios ninococoticca auh ma mococo
hua ynotlalnacayo auh y noanima amo mococoua ca
huel cenca papactica ahahuiztica. auh yn axca nica nictlalia
tepitzin memoria
axca ypa miercoles yc 27 de agustos de 1614 años quitlali yme
moria cocoscatzin señor bartolome rudriquez nehuatl escrivano gas
pal de rosas yua governador do juan de morales alcalde do gabriel
de los agel yua regidor don buenaventura xochitlanemi mietl testicos
me nictlatlani quito amo tley nicnopialia noaxa notla
tqui ca huel quimati noyolo centetl gavalo nicava ytetzin
co nicpohua sactissimo sacramento yc nechmopalehuilizque
y tequihuaque mayordomos hobero
occepa nictlatlani y cocosqui bartolome ynehuatl escrivano quito y
nopipilhua notelpochtzila. y teacauhtzin antonio ya omonamic
ti auh yn iteycauhtzin benito amo quicahuaz çan niquina
maca y nochayo y nocalo ytla dios quinmochicahuiliz
quinamictiz quitlacuitiz yn iteycauhtzin yn antonio notelpoch
auh occepa quito y cocoscatzin bartolome ynin teycauhtzin bartolome
amo capa nicahua ça yehuantin quizcaltizque ytla dios
quimochicahuiliz amo yca mocacayavazque
auh occepa quito y cocoscatzitli bartolome tlali cuemitl
centetl calacuemitl Julal camo chilal, ça mochi yeva
tin quipiazque amo moxixicozque ytla quemania