frc_vol037_2_nahuatl

ma quimatican Yn ixquichtin Yn aquique Yn quitasque ynin tomatlaCuilol Y[n] niconneltilia Y[n] nehuatl notoca maria Cano nicnosohuatl niChane niCan Ypan Ynin tla toCa altepetl Ciu[da]d chololan noCapilla santa maria na tibitas tona[n]tzintlan niquitohua yn axCan opa teoYotica onimonamicti Yhuan huel Yehuatl Yn achtotipa nona mic omotocaYotiaYa fran[cis]co tomas Cano auh oquimoma quilitehuaque se tlali Catqui niCan san Christobal teaCalco tlacpac Ytech Yn tepetl tzapoteCatl Ynin tla li Ca oquimonemactilitehuac Ytatzin Yhuan Ynan tzin omotocaYotiaya yn itatzin fran[cis]co tomas Cuauhtli Yn i nantzin omotocaYotiaya fran[cis]ca soatoctzin Yn iCuac oqui momaquilique Ye tihuan tiCate Ye iuh maCuili xi huitl otimonamictique axCan YCuac omomiquili Y[n] nonamic oCatca omotoCaYoti fran[cis]co tomas Cano omona maCac ynin tlali Yc omotoCac Y[n] nomonamaquilti Ye huatl Ytoca Pedro serillos teoYotica Ynamic maria serillos san no Chaneque niCan Ypan Yn altepetl Yn Cabesera Santiago Yn onimaCoc tomin ChiCuei Peso Yn iuhqui niquitohua Ca amo ma san onicnen Polo Ca Ye onicmotoquili Yhuan niquitohua YCuac Ynin amo nictemaCac tlalam[a]tl san iuhqui omoCauh auh Yn iCuac omomiquili Yn Yehuatl pedro serillos Ynamictzin ocatca Yn omotoCaYoti maria serillos Ca oquimomaquilitehuac Yehuatl Ypilotzin gabriel Ju[an] teio Ynamic Bernaldina agostina san Ye no Ypan Yni n altepetl Chaneque Yn Cabesera santa maria ocotla[n] pilopan axcan ynin gabriel Juan teio Yhuan Ynamic Ber nardina agostina quenin Ye quimati atle tlalamatl onicmaCac Yn itlatzin Pedro serillos axCan nechtlatla nilia niquinmaCa axCan Yn iuhqui momatis Yn omo namaCac tlali aso Ye quipia Yepohuali xihuitl YCa Yn nicpia nohuelitilis Ynic nictemaCa axCan tlalamatl Ypanpa Ca nicmati YaxCa Ytlalnemac Yn [n]onamic ocat Ca amo aquin huelitis sepa tlaChalanis Ca nicmotene huilia ytlasotoCatzin Yn Dios YCa in imaChioCuauh nepanoltzin Yn Dios santisima Cruz Joramento Yn a Yecmo sepa Ytla YtechCacopa yc niquitos YtechCacopa yn tlali Ca tiquinpia testigos Yn axCan YmixPan mo Chihua Ynin tlalamatl Yn testigos Yehuantin andres

tesenmana san no Yehuatl nicolas gomes Ynic niYeahu[atl a] moChihua testigos YtechCacopa Yn tlalnamaCa Yehuatl fran[cis]co asCatl san no Yehuatl señor Jusep sarCo ministro YCa bara Yhuan huel motomaChi Ynin tlali YhueYaquilis quipia huel Cuali onpohual Yhuan Yei maYtl auh Yn ipatlahualis quipia Yc atlix[copa] huel Cuali senpohuali yhuan Caxtoli Yhuan nah[hui] maYtl Yhuan se bara auh Ynic tlaxcalancopa san [no] pitzahuaCatlantoc Yn iCa Yn Cuaxochtli amo h[ue] litis tiquitosque Ca Ye moma Ytech tepetl Yn Catq[ui] san iYoca Yn iuhqui ocsepa huel axCan niquitohua [ma] ria Cano Ynin tlali nicnamaCac amo ma quipia Ca san Yuh Can tlaxipetztli Yuhqui notlatol ni[c] tohua aYoc huel sepa niCuepas Y[n] notlatol Yn tlan pas quemanian mixpantitzinosque Justissias alCal[de] maYor santa Yglesia Cura bicario no Yehuatl Yn gouer[nad]or Juez Ynic Yehuantzitzin quimoneltilisq[ue] Yn quenami ticchiuha YtechCacopa Yn tonen[o] notzal Yn iuhqui oquitlali otictequiuhtique ma tlaCuilohuani Y[n] nehuatl Y[n] niesCriuano Ca Y[e] neli melahuac Yn oniquicuilo Yhuan Yn testig[os] Yn quimati tlaCuilosque quitlalia Yn intoCa Y[n a] mo quimati nechnahuatia Ynic niquin[moto] CaYotia axCan Yc 28 tonali mani meztli de agosto Yn xihuitl mil seYsientos Y nobenta Y tres años anDres tesenmana = niColas gomes = francisco ascatl testigo testigo YtechcaCopa Yn namaca nixPan Gabriel thomas gallego Escriuano de Cauildo