12

Ma mochintin quimatican yn aquique Conitazque yhuan Conpohuazq[ue] ynin to
neltiliz Amatlacuilol escriptura yn nehuatl notoca don Melchor bes
cayno yn teoyotica nonamic ytoca Maria omaca Yhuan tiquinpia nahui
me topiluhan ynic ce ytoca Don Ju[an]o Bescayno yn teoyotica yn inamic Juana
Bula ynic ome Ytoca Maria Bescayno yn inamic ytoca Marcos nauhyo
tl ynic ei Ytoca Petrona bescayno Yn inamic Ytoca Pasqual huelic ynic
nahui ytoca Ysabel bescayno nican tochan ipan inin Altepetl cabezera
San Andres Cholula ytech tipoticate yntlaxilacal Santiago Xicotenco Pi
lopan Yehica in axcan tiquitoa ca tocompia cenpantli totlaltzin totlal
nemac ytocayocan boterotlan otechmomaquilitehuac yn nonantzin oca
catca D[oñ]a Ju[an]a bescayno huel ypan itestamento oquicuilotehuac ynic me
huac totlalnemac yn tlali omoteneuh boterotlan yn ihueyaquiliz yn tla
li quipia cempoali yhuan macuili baras yhuan tlaco bara ynic patla
huac quipia caxtoli once baras yhuan ce quarta tonatiuh yquizayan
pan quitlalnamiqui Phelipe lopez tonatiuh ycalaquianpan quitlalna
miqui fran[cis]co de zamora tlaxcalancopa quitlalnamiqui yn nohermana
tzin D[oñ]a Maria bescayno Atlixcopa quitlalnamiqui zano yehuatl yn no
hermanatzin D[oñ]a Maria bescayno Yehica yn axcan tiquitoa totlane
quiliztica toyolocacopa toconnamaca yn totlalnemac omoteneuh bote
rotlan Auh yn toconnamaquiltia yehuatl yn notetzin Don Ju[an]o Rolda[n]
yhuan yn teoiotica ynamic D[oñ]a Maria de la cruz bescayno ompa chane
que ypan in Altepetl Ciudad Cholula auh yn tonenonotzal omochiuh
ytechcacopoa ynic ticnamaca yn totlalnemac omoteneuh yn ipatiuh
techonmaca Chiocnahui p[eso]s chipahuac teocuitlatl huel tomatica Yn to
co[n]çelique auh ynin 9 p[eso]s amo ticnenpopoloq[ue] ca yc onimopalehui onitza
octicatca teylpiloyan ytechcacopa yn itlatocatlacalaquiltzin tohuey
tlatocatzin Rey quitehuiquilia yn Don Simon minto rezago yehica yn
axcan tiquitoa ynic huel neltiliztica tiquitoa tictlalia yn imachiotzin Santa
Cruz Juramento yxpantzinco yn Dios yhuan ymixpan testigotin nican mo
tocayotizq[ue] ynic cemicac ontlaneltilizq[ue] ynic amo quemanian aca
tlachalaniz moyolocuepaz Auh yn tla cepa Aca tlachalani moyolcue
paz aço centlamanpan ontlamanpan tehua[n]yolque huel niman Yc i
uhcayopan oppa yxquich mocuepaz yn tomin yn quexquich ypatiu
mochihua yn tlali ynic monamaca auh niman Amo huelitiz yc ti
cahuililozq[ue] yn tlali niman tiquinixpantilizq[ue] yn quitqui quiyacana
yn yAltepetzin in Dios yn Justicia cuimocuitlahuia ynic yehuantzi
tzin techmoyectlalilizque yca inin tlatocatlanahuatilzin , ynin to
neltiliz amatlacuilol escriptura, Axcan yc çempoali onmatlac
tli tonali mani metztli Diziem[br]e ypan xihuitl de 1723 a[ño]s