frc_vol046_z_nahuatl_styleb3

quimatican yn ixquichtin quitasque inin toneltilis Amatlalnamaquilis quename tehuantin Juan de loz santos teoquitlahua Antonio de la Cruz teoquitlahua Joseph Antonio teoquitlahua Manuel de la Cruz teoquitlahua fran sisco de la Cruz teoquitlahua yhuan maria teoquitlahua yn timaquiltin tinamiqueque san ixquich in Man de la Cruz telpochtli mochtin tichaneque ypan ini Altepetl Chololan toCauezexa Santiago thecpan Misquitlan pilopan auh tiquitoa Ca ticpia se huei tlalxipettztli itocallocan xelelotlan mochtin in tichiquasemin oticicnopilhuique itechCacopa Yn Don Antonio de la Cruz teoquitlahua teoyotica totatzin ocatca auh inin tlali quename tiqui toa otechmactique yhuan otechxexelhuique yn omentin Aluazeas oquimixquetztehuac in no ticteneuhque totatzin ocatca llihuatin yn Don Juan de la Cruz Casco Gor pasado yhuan in Don Antonio Roldan quename nelti itech se amatl oti mactiloque inic otechtlaxexelhuique ic chiquei tonali in meztli Julio ypan in xihuitl de Mill ze tesientoz treinta y trez ixpan in Manuel de la Cruz Sanchez Pluquillo escribano de Cauildo ocatca yhuan tlaixpan tictlalia inic nelti tohuaxca timochtin ynin tlali oticteneuhque auh in axca tiquitoa quename lle tohuaxca totlatqui huel totlanequi listica mochihua yhuan tosellolocacopa inic =

lle ticnamaca auh in ticnamaquiltia llehuatzin yn Don Juan Bautista Casco caxtiltecatl sano yu qui chane ypan inin Altepetl omoteneuh tipe hua tictamachihua in tlali inic tonali yqui salla yhuan icalaquia quipia chuichnapohuali yhuan ome baxas atlixcopa yhuan tlaxcalancopa quipia inic ipan otli chiquasen pohuali yhuan tlaco baxas auh chicocalactica inic tonali iquisalla yhuan ic icalquitlapan in pasqual ahuatl omo ticmachi inic atlixcopa yhuan tlaxcalancopa quipia matlactlamome baxas yhuan se quarta ynic tonali yquissalla quitlaltepanoa in can ycorral Antonio Oliman = Andres oliman yhuan in omo teneuh Pasqual ahuatl tonali icalaquia qui namiqui otli huitz San Juan yhuan no huic Para San Mathias atlixcopa quinamiqui hue llotli huiz huexotzinco yhuan llohui para qui tlaxqua inic tlaxcalancopa sano yuqui qui namiqui otli llohui para 8 lashuela San thiago auh in techmaca in iPatiuh in tlali yn omoteneuh Don Juan Bautista Casco ma quilpohuali yhuan matlactli ps mochtin oticselique auh tiquitoa Ca in nehuatl oni moteneuh Juan de los Santos in onicseli Caxtolo yn nehuatl Antto in onicseli caxtolonahui pesos yhuan nahui tomin ynehuatl Joseph inonicse li caxtolonahui ps yhuan nahui tomin inehuatl Man in onicseli Senpohuali ps in nehuatl franco yn onicseli Senpohuali ps yn nehuatl maria yn onicseli Caxtoli pesos mochi inin tomin mochi hua in maquilpohuali yhuan matlatli pesos

huel tomatica ticselia yhuan tictenquixtia ca ynin tomin oticselique San ixquich in imelauh ca patiuh in tlali yhuan amo ocahiuh patiuh auh yntla ocachiuh ipatiuh llesqui lle tictlalcahua yhuan itechpan timiquania in hueliotl oticpialla ytechcacopa in tlali yhuan mochi ticmactia in o moteneuh Don Juan Bautista Casco yuqui tic chihuilia Gracia yhuan Donacion ypampa amo quemanian cahuipa timocacayahualiz no tzasque itechcacopa inin tlalnamaquilistli ticchihua yhuan Sano yuqui amo quemani an cahuipa quisas aca se tlacatl quitoz itech po hui inin tlali seme tocnihuan noso topilhuan quitosque aso intlalnemac noso intlalcohual auh intla haca yuqui icon quichihuasnequiz tehuantin quename titlalnamacani timo nomaixquetzauh yhuan tiquixquetzauh in ix quich tohuaxca totlatqui in catqui yhuan in oc llesqui inic tehuan ticllectlalizque imixpan tzinco in Justicias de si mag in campa tichaneque noso saso campa moteixpantis inin tlalamatl auh noso intla Pleitos motlalis itechpan inin tla li totomintica tictepotztocas yhuan Asta iquac yn tlalle oticllectlalique llecllotica qual llotica ocsepa ticmactisque in itlal in omo teneuh Don Juan Bautista Casco auh in tlaca mo yuqui tichihuasque tiquepasque yhuan tictlaxtlahuasque opa ixquich in ipatiuh omo chuih in tlali yhuan mochi in llectlailistli quala tequipanolistli ypan llesqui mochi

tiquixtlahuasque auh inic neltis tictlalia yn imachio in Santa Cruz yhuan ticchihua Juxamento icatzinco yn tto Dios ynixpan intez tigos tehuantin Don Juan Anto Carces Don Pasql tello yhuan Gabriel masatl no llehuantin tla neltilisque saso quemanian cahuipa mone quiz; auh in nehuatl ni escribano de cauil do nicneltilia nixpan omonamacac inin tla li omoteneuh xelelotlan yhuan inic omote macac inin tlalamatl yhuan mochitin ni quimixmati chaneque ipan inin alte petl omoteheuh yc 5 de febrero de 1735 as Juo Anto Casco Nixpan Antonio Casco esscno de cauil