ENPages
page_0001
Ynica ytocatzin Dios tetatzin dios tepiltzin dios esbrito S[an]tto S[an]tti sima trinitat nonitlanel toca yn tonantzin Sa[n]cta y glenxia maquima tiçan mochi tlacatl yn quittozque Amatl notes tamento nehuatl notoca Mathias tequipanecatl nican nochan S[an]t Juan tlauhtlan yn nopario S[an]t Joan quhuapan tzaqualpan ynascan ca nimococohua maçihui ya ce yn notlal namiquiliz huel catqui yn anima nocon momaquilia y tto Dius ca ytla chi hualtzin y tlamaquixtiltzin y nonacayo nonicmaca yn tlalticpac tli ca y nemac ma tocaz y nitlateochihual caltzinco tto Dius ca niqtis tiano no nicmotlatauistilia yn tlatoca çihuapili S[an]ta maria yhuan no S[an]t tonann Ses ynic nopan motlatol tizque yn ylhuicac Mayur[do]mo chihua 1 ynic centlamantli nitlanahuatia mathias huelica nipehua yn Animas porcatolio ce mixa mostlahuaz S[an]tay yglenxia 3 p[e]so[s] 2 ynic ontlamantli nitlanahuatia mathias yntla onimomiquili nopan mochihuaz 2 misa yn mostla huaz huentzintili S[an]ta yglenxia 10 p[e]so[s] ynin amo polihuiz nicnahuatia teoyotica nonamic ytoca Siaca quinamacaz ce quaquq hue oncan neçiz ynhuentzintli 3 yni[c] cetlamantli nitlanahuatia matias yn nonamic ytoca Fraçizca yhuan ome nopilhuan ytoca maria telactz ychpochtli y nocce ytoca Joana ihuan ce on taqua huel niquinmaca tehua yn nocaltzin yhuan tlalli Ayac ceua aquin quicui liz noyollo cacoba? niquitohua teyspan micuilohuaz namatl ca çan is quich y noniquito Ascan ypan tominco ypan metztli Setienpre 19 1638 añus nican micuilohua ynin toca testicotin testicos V meschiyotl: yecatzin V miguel Aquaus V Maria toztli + V Antona maria + V gatt pries + Santiz onitlacuilo
page_0002
yni[c] ca ytocatzin yn Dius Detatzin yn Dius debiltzin yn tius esprito S[an]tto ti S[an]xima trinitat ça ce nelli tehutl nonitlanel toca yn tonantzin S[an]t ygrenxia ma quimatican mochitlacatl yn quittazque Amatl no memoria nehuatl notoca mathias tequipanecatl nican no San S[an]t Joan tlacoztlan y nopali S[an]t Joan quhuapan tzaqual pan ca nicpia tlalli onpa onitla catqui yn notatzin ocatca ytoca Joan titquipane catl ytoca yocan xomecalquy tepango Antoni Azhualiz Ayac cebpa nechcuiliz yhuan onpa omicgo tlalli yn oniquin yohuili ytoga bapzo huehueyotzin yn oc ce ytoca Jo[an] Seb[astian] tegastilla franco nequatzin Joan mo lo ynic omicgo tlalli xomecalgo cenpohuali 20 p[e]so[s] yhuan matlactli 30 10 p[e]so[s] yhuan nican ytoca yocan tlalte pec onicgo tlalli yn oniquingohuili yn toca poni pancio tegutli Fra[ncis]co nequatzin maria xagob Dieco Jobi petro gahuatzin Joan agol yca tlacalaquilli ca qui o mostla yn intlalli ypan tlaxcallanotli ynic onic qo mochitli tlatepec cenpohualli p[e]so[s] yhuan 8 pexo yn ya mochi yc onicgo tlalli xome calgo yhuan tlaltepec onpohualli ongastolli p[e]so[s] yhuan eyi p[e]so[s] 8 [peso]s yhuan nican yc nionnech cahuili tehuale noteachcauhtzin ytoca Joantin pachtli ca mochi nicpia yntla quenmanian nimo miquiliz cosqui piaggue yn deo yotica no namic ytoca F[r]a[ncis]ca tequipaneqatl yhuan nopil huan yn toca Joan tequianiz yn oc ce ytoca Ma ria Desaqroz oncan quitlayequltizque yn tonantzin S[an]tta ygrenxia yhuan tohue ytla tocatzin Rey de porxoma Sustat carçanis quiez yn oniquito ma tote[otl] Dios quiznopiali teyspan ypan metztli teçienpre 10 1624 Anus Dieco peliz + testico Joseb pilmani + Joan + ps testicos gatt chantiz + escri[va]no
page_0003
yca Yn itocatzin Dios tetatzin Dios tepiltzin Dios espiritu santo sa se huel nelli teotl Dios nicchihua nomemoria testame[n]to ynehuatl notoca miguel chilchamani nican ciudad chololan nocapilla san juan tlatlauhtla yn axcan notech quimotlalili yn ijustiatzin totecuyo Dios ynotlallo nosoquiyo ca huel chicahuac mococohua auh Ynanimatzin san pactica yçenmatzinco noconmocahulia y sihuapilli santa maria ma ypan mitlatoltis yn iquac nimomiquilis ynic sentlamatli nitlanahuatia ynehuatl notoca miguel chilchomani yn iquac ytla totecuio dios nechmopolhuilis tocos ynotlallo nosoquio ychantzin co ynotlasomahuistatzin san Juan tlauhtlan yhua onCan no pani mochihuas sentetl missa de reguiem cantata moxtlahuas huetzintli ey peso yhuan huel ach topa tlayacana sentetl missa de requie canta ta ytechtzinco nocopohua animas te polgatorio moxtlahuisd huetzintli ey peso nin nitlanahua tia yn imixpan testico yhuan albasea ynic ontlanahuatia ynehuatl notoca miguel chil chomani nicnooquichtli ca ye omoniquili no namic nicpia se nopiltzin san se ytoca auh niquinpia nopilhua omeme oquichtin ynic ye yto ytoca miguel chilchomani nechtocama me auh yon oc se ytoca diego chilchomani auh niquitohua ynopiltzin diego chilchonami nicmaca nauhtetl tlalli tlalyaaltin ynic se tetl mani tlalli ytocayocan tlalcomalco auh yn ocsentetl tlalli mani ytocayocan hue] xochitlaotipan Ynic etetl tlalli mani ytocayocan sacatzin tetlan ynic nauh tetl mani tlalli san no ytocayocan San Juan a tlauhtlan tlanascascopa tlaxcalcopa ynic nicnexcayotia ymixpan testigus yhua albaseas yhua testigus no
page_0004
ynic Etlamantli nitlanahua Ynehuatl notoca miguel chilchomani nicmoma quilia y oc se nopiltzin nicmaca tlalli ytocayocan Chiauhtla tla huey tlalli y tonalli yquisaYan quitepanohua gabriel quetzal quan pa ynacalaquiya tonalli quitepa no [tachado ilebigle] pahua can ynic nicnescayotia yntlali pahuaca yehuatl yquaxochitli ytlaxcalan[n]copa quitepano metlapanatl atl ymomo lo ycayan mixiuhqui ycholohuayan atlixcopa san no yehua quetzaquauhpan gabriel quetzal quauhpa auh y tlatlaco actica ytocaYocan tequix quinahuac nicmacatehua francisco pestre auh quipia matlactli mecatl ynic hueyac ynic patlahuac quipia chi cuehey mecatl nicnescayotia y sen sen me cat quipia mamacuilli mayitl auh ynin tlanahuatia aya sepa tlachalanas yn aquin tlachalanis mixpatis teopixcatlatohuani manoso tohualcalte mayor yehuatin quimoyectililisque Yn ijustisiatzin ynic macuilamatli ynehuatl notoca miguel chilchomani ynic niquitohua y matiatli quipacato amo sepa amech CaCaYahuas ypanpa huel quesiuhpi ca hamo huey in quipia tlalli an tlalli yn itlal mani ytocayocan tlaltepe tzinco ynic nicnescayotia calcuitlapan yc onechmona
page_0005
juan pasqual quatzayac albasea yehuatl quipias testamento yhua yn tlali macos matlactli omo me peso ynin macos huaxlitehuac y teopixcatlatohuani yto ca fran juan de olohuas san francisco teopixqui auh ynin ypan nimayordomo ynic onech mixquechili ynotlasomahuastatzin ynin miq ca nimitznahuatia huel no matia xiquita yn tlalli y se momapa yolis tlacatis oncan quimotequipanilhuisque y tonantzin santa yglesia yhua y tohuey tlatocatzin Rey yn ipanpa yn itlatocatla calaquiltzin ynin nitlanahuatia yn imixpa[n] testigus yhua albaseas ma huel xiccaqui miquel ocpa mitizna huatia y tlalli ytocayocan chicahuaste pex ca sano ticmotlanehuiyaya Yn tlali ca hamo sephpa tismaxcatilis y tlalli Cay yex ca franco silbestre auh ynin nimitznahuatia yn imixpan testigos yhua albaseas ynic chicome tlanhuatia cayac seph monaca y tlalli ytla timomiquilis mochi ticmocahuililyteha yn notlasomahuistatzin san juan bautista auh y to pilhua auh ynocsequi moscaltisque y tepil hua yc quimotequipanilhuisque tto oti albaseas jua pasqual quatzayac testico franco oselotl testico fraco tlacahonzalli