19

Yca n itlasomahuistocatzin yn Santissima trinidad yn Dios tetauhtzin yhua[n]
tzinco yn Dios ytlasomahuispiltzin yhuantzinco yn Dios espiritu santu yn
mexyxtintzintzin teotlacatzintzintin auh san se huel neli teotl Dios nicmo
neltoquitia n oquiyocox n oquimochihuili n ilhuicatl yhuan in tlalticpactli
in ixquich n itlao yhuan n amo yntalo yhuan nicmoneltoquitia tonantzin Santa
yglesia Catholica
Auh nic sentlamantli nitlanahuatia nehuatl notoca Pedrona temocihui teoyo
tica nonamic ocatca Juan temocihui nica[n] tochan san luis auh in axcan ca
notech oquimotlalili n iJostisiatzin nosentecuiyo tlatohuani dios huel
chicahuac nimococohua huel tonehua notlalo nosoquiyo auh nanimatzin
amo quen catqui ca san n isenmactzinco nicmochuilia in notatzin Dios ca
itlachihualtzin auh notlalo nosoquiyo tocos n ichantzinco Rosario innic ne
chmocnoytelis nanimatzin
Auh nic ontlamantli nitlanahuatia in nehuatl notoca Pedrona temocihui auh nax
can chantli cali santome quenami catqui oc sepa san no yuhqui nicmomaqui
litehua noconetzin Andres temocihui teoyotica ynamic josepha te caxco amo
aqui[n] quicuilis noço tlachalanis huel nitlanahuatia teyxpan amo polihuius no
tlanahuatil n iquisaya tonali quitepanohua n Juan mixcohuatli n icalaquia
tonlali quitepanohua n Juana Vicente tlaxcallancopa quitepanohua n Agus
tin Vicente n atlixcopa quitepanohua Juana Vicente huel nitlanahuatia
teyxpa[n] amo polihuis notlanahuatil
Ynnic etlamantli nitlanahuatia nehuatli notoca Pedrona temocihui oc tepi
tzin tlaltzintli nicmopialia onechmomaquilitehuac teoyotica in nonamic
ocatca naxca nicmomaquilitehua n noconetzin andres temocihui no
chi metzintzintin n iquisaya tonali tepatl notl teoopaquiahuac n icala
quiaya tonali quitepanohua Mathias cenpoaltecatli ocatca yhuan Santiago
senpoaltecatli Pasqual quauhtecatl tlaxcallancopa quitepano[hua] luis de
la cruz Antonio Barios n atlixcopa quitepanohua Phelipe aparicio
yhua[n] Maria de la cruz temocihui semetepatzin tlaltzintli yhuan
metzintzintin nicmomaquilitehua n iqueteco Phelipe aparicio
huel nitlanahuatia teyxpa[n] amo polihuis notlanahuatil
Nic nantlamantli nitlanahuatia nehuatl notoca Pedrona temoci
hui oc tepetzin tlaltzintli huel tlaco quimocotonisque Maria temo
cihui teoyoica ynamic Matheo de la Cruz tlahuechtli yhua[n] Maria
Cruz temocihui tlaltzintli se molotlan n iquisaya tonali contepano
hua Simo[n] aparicio n icalaquia tonali contepanohua Juan Mizcohuan
tl tlaxcalancopa quitepanohua Antonio barios n atlixcopa quitepan
nohua Antonio barios huel nitlanahuatia amo polihuis notlanahuatil