3rd_set

yn nehuatli andres albato yua[n] deoyotica nonamic Juana tlapapal otimononotzque otimoçentlalique toyollocaco pa ticnamaca yn toxolla mani tezcacohuac tlalatec yn ipan icac calltin ontetli yn ce[n]tetli tonatihuh quix namiqui auh yn oc çentetli atlixco ytzticac auh ynic hueyac yn tlali çenpohuali onmacuili auh yn no yx tli contepanohua llurenço Rotrique auh yn oc çe tla nepal contepanohua maria de roxas auh nima[n] otic nonotzque yn Juan sallano yuan ynamic Juana sanana ynic quicohuaz toxollal auh nima[n] oquito ma yuhqui mochihua ma teyxpan mochihua ma tiquinotzaca[n] yn testicos ynic teyxpan ticte mazque yn tomi[n] yn quezqui ypatiuh mochihuaz yn ipatiuh ynic otimononotzque yni imatica oco çelli yn tomi[n] andres alpara[n] yua[n] ynamic Juana tlapapal 63 pesos ymixpa[n] testicos ynic aya moxi cozqui yua[n] ynic ayac tlachallanis nican quitlalia yn intoca yua[n] ynfilma axcan omochi Amatli Jueves 24 de agosto de 1628 años andres albalato oni tlalnemacac tihua[n] no namic Juana tlapapal llurenço Rotrique testigo Juan gordes testigo regidor basado maria de rojas testigo francisca magdalena testigo francisco xuarez escrivano Allcalde basado

Ma quimatican Yn ixquichtin quitasq[ue] ynin amatl quename Yn nehuatl notoca Juana Velasques tihuan Yn theoyotica nonamic se bastiana Velasques nican tichaneq[ue] ypan ynin tlahtoca altepetl ciudad chololan ypan tipohui cavesera santa MAria tecpan pilopan tiquitohua ca neli melahuac ticipia se tlaltzintli tohuaxca totlatqui mani Ytocayocan tecpan ecatlan yn iquisaianpa to nali quitepanoha Juana galisia auh in icalaquian tonali quitepanohua yn itoca Juan de santiago ahu in tlaxcalancopa quitepanohua yn RFSr[?] don salvador minto ahu in atlixcopa huei otli connamiqui omotlamachiuh ybic hueiac quipia ompohuali Yhua[n] nahui Baras Yhuan tlahco ahu inic patlahuac quipia matlactlomei baras Metoc ahu in axcan tiquitohua tihuan yn theoyotica nimamic ca tosentolocacopa totlanequi listica ticnamaquiltilia ynin tlali yn yehuatzin Pili don salvador minto yhua yn theoyotica ynamic sihuapili doña clara franques ahu in ipatiuh mochihua senpohuali pesos tomin ystac chipahuac theocuitlatl tomaticac toconseliq[ue] yca on yn axcan tiquinsenmaca tiquinmaxcatia yn omo teneuhque Pili don salvador minto yhuan yn sihuapili doña clara franques ynic huelitis quipiasq[ue] quitepanosque quename ynmaxca yntlatqui ahu in tehuantin no cuel ytla tiquimihtlanilisque ypampa ca huel tosenyolocacopa otiquinnamaquiltiliq[ue] yc ticmotenehuilia yn dios ytlaso mahuistocatzin yhuan ymachio yn santa crus ca aic timo xicosque ytechpa yn intenenonotzaliz auh intla quemanian timoxicosque opa yxquich tiquincueptilisq[ue] yn ipatiuh yn tlalcohuanime yhuan ticpolosq[ue] yn totlal auh itla aca tlahtolehuas anoso quitos yaxca ytlatqui yxpan quineltilis yn Justisias yn quinmixquechilia yn tohuei tlahtocatzin rei amoso santa yglesia anoso jues governador alcaldes ordinarios ynic yehuanzitzin conneltilisq[ue] conchica husq[ue] ynin amatl omochiuh nican ciudad chololan axcan yc sempohuali yhuan chiquasen tonali mani metztli noviembre de mil seisientos y noventa y seis años oquineltilique yca yn intoca yn infirmas no nehuatl niamatlacuilo noconeltilia yca nofirma

sevastiana belasques braca omonamaca tlanqui tlali ytoca lloca temixlan ypa[n] xiuhtli 1686 Joan belasques

ycatzinco yn dios tetatzin yn dios ytlaso piltzin yn dios espirito santo yn san se huel neli teotl dios nicmoneltoquitia yn axcan nicchihua nomemoria desta ynehuatl notoca pasqual de la cruz tza potetl nichane nican ypan ynin tlatoca altepetl ciudad cholola nocabe sera santiago tecpan misquitlan aman teca yn axcan notech quimotlalilia yn ijustisiatzin yn totecuiyo dios yca yn notla lo nosoquiyo auh ynanimatzin san pactica ysenmactzinco noconmo cahuilia yn sihuapili santa maria ma ypan motlatoltilis yn iquac nimomiquilis ynic sentlamantli nitlanahuatia yne huatl notoca pasqual de la cruz tzapotetl yntla nechmopolhuilis yn totecuiyo dios to cos yn notlalo nosoquiyo ychcatepan cal tzinco yn señor san pedro san pablo yca ynermanos nechmotoquilisque san gre de christo yhuan ermanos patriar ca san josep nechmotoquilis nitlana huatia yn imixpan tes ynic ontlamantli nitlanahuatia pasqual de la cruz tzapotetl ca nicpia nonamic yto ca maria jacoba yhuan tiquinpia teoyo tica topilhuan ome ynic se ytoca pas qual de la cruz telpochtli ynic ome so huatzintli ytoca damiana francisca tzapo tetl ychpochtli nicpia chantli cali huehuetlali notlalnemac ynin tla co yc tlaxcalancopa calnacaztli

huel tlaco na cotonitehua ynin no piltzin pasqual de la cruz tzapotetl tel pochtli macos amo polihuiz nitlana huatia yn imixpan testigos sano yhuan notlanahuatil pasqual de la cruz tzapotetl yc ome nopiltzin sohuatzintli ca damiana francisca ychpochtli sano yan y[n] chantli cali yc atlixcopa nicma notlaco huel nepantla quimocotonisq[ue] necoc ynin macos amo polihuis nitla nahuatia yn imixpan testigos sano yhuan notlanahuatil pasqual de la cruz tzapotetl nicpia sentetl tlali mani huitz huitlan nicmomaquilitehua nopiltzin ca pasqual de la cruz tzapotetl telpochtli can quimilnamictia nocoltzin nositin ynehuatl yca atorisposotzin macos yn san testigos sano yhuan notlanahuatil pasqual de la crus tzapo tetl oc se tlali mano tilistlan notlalcohual macos ynin nopiltzin pasqual de la cruz tel telpochtli tzapotetl macos ymixpan testigos sano yhuan notlanahuatil pasqual de la cruz tzapotetl oc se tlali mani pasquiztlan notlalcohual macos ynin nopiltzin pas qual de la cruz tzapotetl telpochtli macos ymixpan testigos sano yhuan notlanahuatil pasqual de la cruz tza potetl oc se tlali huehuetali calnacas tli oncan macos ynin nopiltzin pasqual de la cruz tzapotetl telpochtli ma cos ymixpan testigos